Page Text
________________
चंदकित्तिनिबकहा
११२
एरवयद्धे तत्थेव अत्थि वित्थिन्नगामनयरेहिं । अइरमणिज्जपएसो देसो नामेण हरिकेसो ।। ३५९५ ।। सव्वत्थ भूइकलिओ वित्थिन्नजडासओ वि साहारो । जो चउराणण गोविंदबहुमओ सोहइ हरो व्व ।। ३५९६।। तत्थत्थि पवरनयरं चंदउरं नाम अमरपुरसरिसं । सुरयणसहस्स रेहिरमच्छरसाऊरियदियंतं ॥ ३५९७।। जत्थ वणि-विवणठाणं नयरसिरीवयणपंकयसमाणं । पसरंतदंतहीरयपंती दित्तीहि रेहंतं ।। ३५९८ ।। पविसंतपवरपूगीफलमुज्जलनायवल्लिदलललियं । उल्लसियबहल कप्पूरपरिमलं जाइफलकलियं । । ३५९९।। जस्स बहिं पायारो सुहासिओ सहइ साहुपुरिसो व्व । कविसीसयसयकलिओ रावणरइओ व्व संगामो ।। ३६०० ।। वेयड्ढगिरिवरो इव विचित्तविज्जाहरीहिं रमणिज्जो । परपुरिसदुप्पवेसो महासईहिययभावो व्व ।। ३६०१।। पायारसमं तेणं रेहइ वरवारिपूरिया परिहा । हिमगिरिसंकाए समागय व्व गंगामहासरिया || ३६०२।। चंदकरविमलकित्ती तं पालइ चंदकित्तिनरनाहो । करवालपुक्खरे जस्स निवसिरी इयररायसिरी ।। ३६०३ ।। जो को विमग्गणणो तं मग्गइ एक्कसि पि गंतूण । सो होइ मग्गणिज्जो इयरेसिं सव्वकालं पि ।। ३६०३ ।। सो अन्नया नरिंदो पडिबुद्धो रयणिविरमसमयम्मि । जा चिंतंतो चिट्ठइ सेज्जगओ रज्जकज्जाइं ।। ३६०४।। ता किंपि सुमरिऊणं सयणिज्जाओ समुट्ठिओ झत्ति । विहियपभायावस्सयकम्मो पडिहारमाइसइ ।। ३६०६।। गंतूण तुमं अत्थाणमंडवं कारवेहसारवियं । तम्मिगए तं वयणं तह त्ति पडिवज्जिउं पच्छा ॥३६०७।। कयदेवपवरपूओविरइयअइपवरवत्थसिंगारो । सव्वंगभूसणधरो सिरम्मि कयकुसुमसेहरओ || ३६०८।। विन्नत्तो पsिहारेण झत्ति आगंतुमउलियकरेण । अत्थाणमंडवो देववट्टए कारिओ पउणो ||३६०९॥ तव्वयणाणंतरमेव पत्थिवो तत्थ सणियमागंतुं । उवविसइ रयणरेहंतकणयसीहासणस्सुवरिं ।।३६१०।। रायासेण तओ पडिहारो मुयइ सेवयजणोहं । दारगयं सो वि नरिंदपणमणं काउमुवविसइ ॥ ३६११।। निय निय ठाणे सामंतमंतिमंडलियतंतवालाई । अह सो सणियं सणियं जम्मि वि निक्खिवइ नियदिट्ठि ।। ३६१२ ।। अत्थाणजणे राया तब्भारक्कंतमिवसिरं तस्स । संघडियपाणिसंपुडविहियावट्ठभमवणमइ ।। ३६१३ ।। अत्थाणजणाउ बहिं पि पेसए जाव सो निवो दिट्ठि । ता नियइ कुट्टिमयलं मणिमयमुट्ठतकिरणोहं । ३६१४।। कुंकुमरसच्छडासेयसोणमुन्नि किन्नतामरसं I अत्थाणमंडवसिरीवयणं व पमोयपहसंतं ॥ ३६१५।। कुंकुमकयंगरायं विप्फारियलोयणं नियंतं व । वसुहाहिमच्च भुयपयावविष्फुरियमाहप्पं ॥ ३६१६।। जाओ ठाणाओ दिट्ठि साहरइ नेय नरनाहो । तम्मि पसे सहस त्ति ताव तेओ परिप्फुरिओ || ३६१७।। सहसंसुपयासाओ चउग्गुणो तं पलोइऊण तओ । अइविम्हयं वहतो अत्थाणजणं निरूवेइ ।। ३६१८।। तत्थ वि तेयप्पसरो तारिसओ चेव तो नियसरीरे । जाव निवेसइ दिट्ठि तत्थ वि रयणाहरणपडलं ।। ३६१९।। मासलियकिरणजालं अवलोयइ अह सहागओ वि जणो । मुहकमलाई पलोयइ परोप्परं तं तह नियंतो ॥ ३६२० ।। अह पडिहारो पेक्खियपुव्वदिसि विन्नवेइ रायाणं । पुव्वदिसाए दीसइ देवदुइज्जं व रविबिंबं ॥ ३६२१ ।। तो अच्छरियाऊ रियहियएणं जाव रायलोएण । सच्चवियं रन्ना वियता दिट्ठतं तह च्चेव || ३६२२।। जा किं पि वियप्पर पुहइसामिओ माणसम्मि विम्हइओ । वेयालिएण एक्केण ताव सहसति विन्नत्तो ।। ३६२३॥ तुज्झ पयावसमाणत्तलंभरसिओ दिणेसरो देव । एयं करेइ रूवं दुइज्जमब्भहियतेइल्लं ।। ३६२४ ।। एत्थंतरे समग्गो अत्थाण जणो परोप्परं भणइ । चिट्ठर अम्हेहि अम्ह पुव्वपुरिसेहिं वि न छिट्ठ ||३६२५।। एरिस कत्थइ न य सुयं पि जं संपयं पलोएमो । ता किं उप्पाओ को वि उट्ठिओ अयमयंडे वि ।।३६२६ ।। नेमित्तियसच्चाए सस्स वि किं वयणमन्नहा होही । तं जेण अम्ह पहुणो कल्लाणपरंपरा कहिया ।।३६२७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |