Page Text
________________
सिरिमुनिसुव्वयजिणिदचरियं
गंतूण तेहिं कहियं निवभणियं वीरसेणकुमरस्स । तेण वि ते सिरिखेडे पट्टविया तक्खणे चेव ।।३५६२।। सिक्खवणं दाऊणं जह तुब्भे निय पयंपियं सव्वं । तेहिं नरिंदेहि समं तप्पडिवयणं च कहिऊण ।।३५६३।। कुमरस्स वज्जकुंडलनामस्स तओ य अग्गओ तस्स । तेहिं निवईहि दिन्नं वत्थाहरणाई ढोइज्जा ।।३५६४।। जइ सो तुम्ह समप्पइ तं गिन्हिज्जह तओ समग्गं पि । तह विन्नविज्जह इमं जया निवा दो वि ते तुम्हे ।।३५६५।। पासम्मि मयणदेवो अणंगदेवो य एंति तुम्हेहिं । तइया मेलेय व्वो तेसि सदस्स सद्दो त्ति ॥३५६६ ।। इन्हि निसि पि वहिउं पभायसमयाओ आरओ तत्थ । गंतण वज्जकुंडलकुमरो तुन्भेहिं दट्टब्बो ।।३५६७।। तेण सह मए गहिओ संकेओ अत्थि अज्जदियहाओ। अइकंतपंचमदिणे माहवरायस्स वयणेण ।।३५६८।। सा चेव इमा संकेयजामिणी अज्जवटाए जाया। तो सो निसि पि सव्वं चिट्रिस्सइ अज्ज जग्गंतो ॥३५६२।। मह दूयस्स नियंतो मग्गं एतस्स तो न तुम्हेहि। कत्थ वि पहे पमाओ निद्दालुद्धेहि कायव्वो ॥३५७०।। इय सिक्खं गहिऊणं ते पुरिसा वीरसेणपासाओ। एंति सिरिखेडमग्गे एत्तो सो चक्किणो तणओ ॥३५७१।। तीए चेव निसाए जिणपडिमं पूइऊण संझाए । सयणतलम्मि निवन्नो पडिहारं एवमाइसइ ॥३५७२।। सव्वेसि नायगाणं जाणावह पेसिउं निए पुरिसे। जह अज्ज चिट्ठियव्वं सबेहि वि संवहेऊण ।।३५७३॥ तुम्हेहिं रयणीए जम्हा कुमरो कहिंपि आएसे । तुम्हे पेसिस्सइ तो तहेव ते भाणिया तेण ।।३५७४।। अह पासनिसन्नं वज्जकुंडलो सहचरं नियं भणइ । जिणमित्तसावगं जह जग्गेयव्वं मए अज्ज ॥३५७५।। चिदुइ चिरं निसाए कज्जेणं कुमरवीरसेणस्स । तो मह विणोयहेउं के पि कहं सोहणं कहह ।।३५७६।। वीररसपोसयं तह सव्वण्णुमयाणुविद्धमइरसियं । जग्गइ मह पासजणो सुहेण तह तीए अक्खित्तो॥३५७७।। अन्नेण सुहासियभासएण भणिओ इमं तु जिणमित्तो। जा मज्झ रोयइ कहा कहेसि जइ तं तुमं तो हं ।।३५७८।। जग्गिस्सं अन्नह पुण करिस्समिन्हि पि नूण निद्दमहं । अन्नेण इमो भणिओ कुण निदं किं तुमा दीहं ॥३५७९।। तो वज्जकुंडलेणं हसिऊणं पढमओ इमं भणिओ। अक्खेहि केरिसी तुह चित्तस्स कहा सुहावेइ ।।३५८०॥ सो जंपइ मज्झ कहा रोयइ पुरिसस्स संतिया तस्स । जो परकज्जम्मि दुहं सुही वि होंतो सयं सहइ ।।३५८१।। जह इन्हि सहसि तुमं हेमंतमहाहिमस्स दुहमसमं । एएण एत्तिएणं सेन्नेण समं समग्गेण ॥३५८२।। चइऊण गंधमायणनयरम्मि निवायमत्तणो भवणं । एत्थागओसि पद्धरभूमीए जग्गसि निसिं च ।।३५८३॥ तो जंपइ जिणमित्तो तं कं पि कहं अहं कहिस्सामि । जा तुज्झ वि कुमरस्स य अच्चंत सम्मया होही।।३५८४।। तो वज्जकुंडलो तं जिणमित्तं पुच्छए तए एसा। कत्थ निसुया कहा जं कहिस्ससे संपयं अम्ह ॥३५८५।। सो भणइ वरिसयालो जो एस गओ अहं तयवसाणे। समणुन्नविउं तुब्भे गओ ठिओ सयणमिलणत्थं ॥३५८६।। दासउरे तत्थ तया समागया सूरिणो सुजसनामा । सह परिवारेण ठिया दियहाणं मासमेक्कं ते ॥३५८७।। तच्चरणपज्जुवासणकारणओ हं पि संठिओ तत्थ । तेत्तिय दियहाणि पुणो सुयं मए तेसिं पासाओ ॥३५८८।। जिणपूयाफलकहणावसरे सिरिचंदकित्तिणो रन्नो। विक्कमनिहिणो चरियं भुवणचमक्कारसंजणयं ॥३५८९॥ चंदकित्तिनिवकहा-- सो पुव्वभवे जंबुद्दीवेरवयस्स दाहिणद्धम्मि । मालुयगामे पयईए भद्दओ गहवई आसि ।।३५९०।। सो भुईसरनयरे नियकज्जेणागओ धणड्ढस्स । जिणहरठियस्स सड्ढस्स अंतिए जत्तसमयम्मि ।।३५९१॥ निय सद्धाए उवरोहिऊण सड्ढस्स अप्पिउं दव्वं । पूयं बलिं च कारइ जिणस्स सविसेसमन्नदिणे ।।३५९२।। सड्ढेण निद्ध महुराहारेहिं भोइओ इमो सगिहे । लज्जाए सो वि भुत्तो अब्भहियं पि हु न परिचत्तं ।।३५९३।। तणाजिन्नेणेसो मरिउं पूयाफलेण संजाओ । सिरिचंदकित्तिराया पुरो वि कित्तीमे तच्चरियं ॥३५९४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |