Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 143

११०
वज्जकुंडलचरियं जाणाविस्समवाएण केणई तोभएण ते तुम्ह । जह जंति नियत्तेउं अह वि भया एंति मह समुहं ।।३५२९।। तो तं चउत्थदियहे तुम्ह समीवम्मि पेसिउं पुरिसं । गरुयाए वि निसाए जाणाविस्सामि सव्वं पि ॥३५३०।। जइ ते होंति नियत्ता ता तुब्भे वयह कुसुमपुरनयरे । अह एंति समरसद्धाए सम्मुहा मज्झतो झत्ति ।।३५३१।। अद्ध' सेन्नं धरिलं अत्तसमीवम्मि सेस अद्धं तु । तुब्भेहि मज्झ पासे पेसेयव्वं अकयखेवं ।।३५३२।। तो काऊण पसायं मज्झुवरि दिणाइं जाव चत्तारि । तुम्हेहिं चिट्ठियव्वं सिरिखेडे चेव नयरम्मि ।।३५३३।। इय वज्जकुंडलेणं पडिवज्जेउं विसज्जिओ झत्ति । माहवराओ पासम्मि वीरसेणस्स तेणा वि ।।३५३४।। सागारा अक्खोहा दक्खा परचित्तजाणया पुरिसा। पच्चुत्तरम्मि कुसला दोन्हं पि निवाण पासम्मि ॥३५३५।। सिक्खविउं पट्टविया गंतूणं ते वि ताण साहेति । दोन्हं पि नरिंदाणं जह अम्हे चक्कितणएण ॥३५३६ ।। संपेसिया समीवे तुम्हाणं तेण भाणियं एवं । जह अम्ह वीरसेणो आगंतुं सेवओ जाओ ॥३५३७।। सो सिंधुवीरनिवनंदणो त्ति काउं स गोरवं दिट्ठो। अम्हहिं तस्स दाउं पारद्धो जीवलोओ य ।।३५३८।। तेण न गहिओ भणियं च एरिसं मज्झ जीवलोएण । इन्हि न किंपि कज्जं जत्थ दिणे विन्नवेमि अहं ।।३५३९।। तुम्ह तया विन्नत्ती एक्का तुम्हेहिं सारियव्वा मे । इय भणिउं सेवंतो ठिओ इमो ताव जाव पिया ।।३५४०।। निसुओ इमेण परलोयपट्ठिओ तो अणेण आगंतुं । विन्नत्तो झत्ति अहं जह मज्झ सुसेणदेसस्स ॥३५४१।। दावेह खग्गवत्तलमेस तओ वारिओ मए एवं । एक्कंगो कह तं सिंधसेणमवणेसि रज्जाओ॥३५४२।। तम्हा अन्नं देसं विउलं दावेमि तुज्झ जत्थ तुमं । अणुहवसि रज्ज लच्छि असंकिलेसो चिरंकालं ।।३५४३।। अह तेण नियं अहिमाणदुक्खमसमं निवेइउं अम्ह । एसो च्चिय देसो खग्गवत्तलाए तओ गहिओ ॥३५४४।। अम्हेहिं तओ दिन्नो एक्को वि जणो न तस्स साहेज्जे। जं सिंधुवीरपुत्ता दो वि इमे अम्ह तुल्ल त्ति ।।३५४५।। एयं च आसि नायं मए जहा एस भग्गमयपसरो। एही तओ विलक्खो जमेस अधणो य असहाओ ।।३५४६।। तइया दाविस्स महं जहो चियं कपि देसमयस्स । अहिमाणग्गहगहिओ गमिस्सए अहव परलोयं ।।३५४७।। तो सुकयदुक्कयाणं होही ण भायणमिमो नियकयाणं । एयं पुण आसि मणे वि अम्ह न जहा इमो एवं ।।३५४८।। खिविऊण पउमखेडे सतंतमवि सिंधुसेणमवणीसं । पाडिस्सइ संकडए वसीकया सेसदेसजणो, ।।३५४९।। ता जाव संपयं चक्कवट्टिआणाए कूसूमपूरनयरे । संचलिओ हं पियमित्तसेट्रिजिणभवणजत्ताए ॥३५०।। पत्तो सिरिखेडपुरे ताव जणाओ इमं मए निसुयं । जह पउमखेडनयरं पवेढियं वीरसेणेण ।।३५५१।। तह सिंधुमेणरन्नो साहेज्जत्थं अणंगदेवनिवो। आगच्छंतो निसुओ दुइज्जओ मयणदेवो य ।।३५५२।। तो तुम्ह एयमुचियं न होइ जं एक्क जणयजायाणं । एएसि दोन्हं पि हु परोप्परं जुज्झमाणाणं ।।३५५३।। एक्कस्स कुणइ तुब्भे साहेज्जं दुझ्ययं परिभवेह । अह एवं पि करिस्सह तो पक्खे वीरसेणस्स ।।३५५४।। अन्नो को वि भविस्सइ बलवंतो जस्स पासओ तुभे । अक्खयदेहा देसे पुण न गमिस्सह नियत्तेउं ।।३५५५॥ जं वज्जकुंडलेणं कहावियं तुम्ह तं इमं कहियं । अम्हेहिं तओ इन्हि विसज्जहा जेण वच्चामो ।।३५५६।। तो तेहिं वज्जकुंडलपुरिसा भीएहि भासियाइय ते । जह अम्ह वज्जकुंडलकुमरो सामी तओ जुत्तो ।।३५५७।। तेणुवएसो दिनो आएसो तस्स संतिओ अम्हं । सीसस्सुवरि कज्जं न कि पि णे सिंधुसेणेण ।।३५५८।। अम्हे तुम्हेहि समं आगंतुं वज्जकुंडलकुमारं । पणमिस्सामो अहवा तुटभे वच्चह पुरो सिग्घं ।।३५५९।। मोत्तूण सेन्नमज्झे संठवगं कं पि तारिसं पुरिसं । छडया होउं पच्छा अम्हे वि समागमिस्सामो ।।३५६०।। इय भणिऊणं सम्माणिऊण वत्थेहि भूसणेहिं च । दोहि पि नरिंदेहि विसज्जिया झत्ति ते पुरिसा ॥३५६१।।
१ इइ से० पा.