Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 142

सिरिमुनिसुव्वयजिणिदचरियं
किं ते वन्नामि अहं पन्नं किं वा परक्कमं असमं । को एक्को तुज्झ गुणो सक्किज्जइ वन्निरं भाय ।। ३४९६ ।। इच्चाइ बहुपयारं विलवंतो सिंधुसेणनरनाहो । पउमसिरीए कहमवि संबोहेऊण संविओ ||३४९७।। नयरं च पउमखंडे सव्वत्तो वेढियं समागंतु । कुमरेण वीरसेणेण सव्वसेन्त्रेण नियण || ३४९८ ।। एत्तो अणंगदेवो सोऊणं सिंधुसेणपुरिसाओ । मरणं महिंदरायस्स झूरए बहुपयारेहिं ।। ३४९९ ।। अह सो संठविऊणं अप्पाणं जलियकोवदुप्पेच्छो । उवरिम्मि वीरसेणस्स सव्वसेत्रेण संचलिओ ।। ३५०० ।। तिहिं सहस्सेहिं गयाणं तिहि लक्खेहिं च पवरतुरयाणं । लक्खेण रहवराणं पंचहि पाइक कोडीहिं ।। ३५०१ ।। एत्तियमेत्तेणं चिय त्रेण समनिओ मयणदेवो । राया चलिओ नवरं किंचूणा रहवरा तस्स ।। ३५०२|| तो वज्जकुंडलेणं माहवरायस्स सम्मुहं भणियं । केत्तियमेत्तं सेनं साहिज्जे तुम्ह पेसेमि || ३५०३॥ माहवराण तओ वित्तो वज्जकुंडलकुमारो । कज्जं सेन्त्रेण न किं पि अम्ह तुम्हे सयं चलह || ३५०४ ।। कुसुमपुरं जा नयरं पियमित्तजिणिदभवणजत्ताए । दंसणमिसेण चक्कि अणुन्नवेऊण कइवि दिणे ।।३५०५।। बारसहिं जोयणेहिं कुसुमपुराउ पुरं परमखेडं । तत्थ ठियाण वि तुम्हं भएण एहिंति ते नेय ।। ३५०६।। तो वज्जकुंडलेणं माहवरायाओ सिक्खवेऊणं । पियमित्तवाणिओत्तो पट्ठविओ चक्किपासम्म || ३५०७ ।। सागरनामो भरिउं सुवन्नथालं विचित्तरयणेहिं । चक्किस्स ढोइउं तं विन्नत्तो तेण सो एवं || ३५०८ ।। जह देव अम्ह सामी पियमित्तो नाम अत्थि कुसुमपुरे । तेणत्थि कारियं तत्थ मंदिरं तित्थनाहस्स ।। ३५०९।। तत्थ भविस्सइ जत्ता रहभमणं वित्थरेण गरुएण । तेणेस तत्थ ईहइ आगमणं देवपायाणं ।। ३५१०।। अह कह वि देवपाया तत्थ पहुप्पंति संपइ न गंतुं । आइसह वज्जकुंडलकुमरं पसिऊण तो अम्ह ।। ३५११ ।। हक्कारिऊण चक्की कुमरं तो वज्जकुंडलं भणइ । गमणत्थं कुसुमपुरे पडिवज्जइ सो वि तं वयणं ।। ३५१२।। अह सो नियसेन्नेणं तह चक्किनिरूविएण सह चलिओ । पणवीससहस्सेहिं मत्ताणं पवरहत्थीणं ।। ३५१३ ॥ पंचहि रहलक्खेहिं दसहिं उ लक्खेहिं जच्चतुरयाणं । तह पनरसकोडीहि पाइक्काणं सदप्पाणं ।। ३५१४।। तमि समपयट्ट हेमंतरिऊभरेण लोयाणं । तरुणाण वि थेराण व कंपावतो सरीराई ।। ३५१५ ।। सूरो वि सीयलेण वि मंदपयावो कओ तया तेण । कस्स वि कहिं पि समए जयम्मि उल्लसइ माहप्पं ।। ३५१६ ।। जा सरयतावतविओ आसि जणो ता निसाए सेवतो । पढमं पि चंदपाए सुसीयले परमपीईए ।। ३५१७ ।। हेमंते उण पसरतनिबिडहिमपुरपीडिओ लोओ । पुव्वं पि दिणमुहे उन्ह- किरणपाए निसेवेइ ।। ३५१८ ।। जेण जया संजायइ पओयणं तं तया पयत्तेण । भयइ जणो पयईए न वल्लहो को वि कस्स वि य ।। ३५१९ ।। निव्विवरभित्तिभाए कुट्टिमभवणस्स मज्झउवरए । सोवंति नरा धणिणो संघडियकवाडसंपुडए ।। ३५२०।। हिंति सीयरक्खं तत्थ व ते ईसि सीयपरिभूया । दियहे य अग्गिसगडं नियनियडाओ न फेडंति ।। ३५२१ ।। एरिसीयाले वट्टते चक्कवट्टिण तणओ । माहवराएण समं वच्चइ पंथे सपरिवारो ॥३५२२॥ गंतुण पंजलेणं मग्गेणं ताव जाव सिरिखेडं । गिन्हइ तत्थावासं सवित्थरं चक्किणो तणओ || ३५२३।। सिरिखेडाओ दाहिणउत्तरओ छच्च जोयणे दो वि । नयरं च पउमखेडं तह कुसुमपुरं च जह संखं ।। ३५२४ ।। तत्तो माहवराओ गंतुणं वीरसेणकुमरस्स । साहेइ वज्जकुंडलकुमरं सिरिखेडसंपत्तं ॥ ३५२५॥ दाऊण वीरसेणो सिक्खं तं वज्जकुंडलसमीवे । पेसइ पुणो वि सिग्धं सो गंतुं तस्स विन्नवइ ।।३५२६ ।। जह वीरसेणकुमरो कुमार तुह पाय-पंकयजुयस्स । मज्झ मुहेणं एयं विन्नत्ति कुणइ विणयजुओ ।। ३५२७।। आसन्ना दो वि निवा अणंगदेवो य मयणदेवो य । संपत्ता मज्झ तओ तुम्हागमणं अहं तेसिं ।। ३५२८ ।।
१०६