Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 141

१०८
वज्जकुंडलचरियं
होउ वरं मच्चू वि हु पराहवो तह वि तीरए नेय । सहिउँ परपक्खाओ ता जामि सयं पि तस्सुवरि ॥३४६४।। जंपइ महिंदराओ तो एवं जइ वि पुव्वभणियं मे । न तरह काउं तुब्भे तह वि न जुत्तं सयं तुम्हा ।।३४६५।। गंतु तस्साभिमुहं मं चेव य पट्टवेह मा अन्नं । पुब्विल्लदंडनाहो ब्व अन्नहा सो वि तं काही ॥३४६६।। अह सिंधुसेणराया तं चेव महिंदरायमाइसइ । सत्तहिं हत्थिसएहिं मत्तेहि समं तुरंगाणं ॥३४६७।। एक्केणं लक्खेणं पाइक्काणं च सट्ठिलखेहिं । निववीडयं गहेउं महिंदराओ विणिक्खंतो ॥३४६८॥ एक्केक्कजोयणाइं दाऊण पयाणयाइं सो तिन्नि । दो तिन्नि दिणाई ठिओ पुव्वुत्तं मिलइ जा सेन्नं ।।३४६९।। साहणियतंतसामंतमंडलाहिवइपमुहलोएणं । पुव्वुत्तसेन्नसंखा संजाया झत्ति तो तत्थ ॥३४७०।। संकियचित्तो अन्नम्मि वासरे केवले वि नाइक्के । मेलेऊणं जंपइ महिंदराओ रहे एवं ।।३४७१।। दुद्धेण होइ दड्ढो जो सो दहियं पि असइ फुक्केउं । महणंदेण नरिंदो पुरा वि जं वंचिओ अत्थि ॥३४७२।। तेण भणामो एवं जइ संवइऊण' वीरसेणस्स । तुब्भे मिलिस्सह तओ पढमं पिइओ न वच्चामि ।।३४७३।। तेसि मज्झे एक्केण जंपियं गरुयरिद्धि मंतेण । जा जीवसि ताव न तं कहं चि अम्हे परिच्चयामो ॥३४७४।। इय भणिरे तम्मि तओ महिंदराओ मुहाइं अन्नेसि । सव्वेसि पि पलोयइ तेहिं वि तह चेव पडिवन्नं ॥३४७५।। जंपइ महिंदराओ पुण एवं ते पयंपियं तुम्ह । जइ सच्चं चिय एवं उप्पायह पच्चयंतो मे ॥३४७६।। जह कह वि तेण भणिओ तस्स तहा पच्चओ कओ तेसिं । अह सो महिंदराओ निब्बुयहियओ पुरो चलिओ अवसउणे संजाए अद्धपहे चेव दाउमावासं । कइवयदिणाई तत्थेव संकिओ सो विलंबेइ ॥३४७८।। तो वीरसेण या सबेहिं नायगाण तत्थ गया । तेसिं पुरओ कहियं तेहिं जहा अत्थि अम्हेहि ।।३४७९।। एरिसयं पडिवन्नं महिंदराएण सह जहा अम्हे । तं जीवंतं चइउं कत्थ वि अन्नत्थ न वयामो ॥३४८०।। दूहि तओ भणियं तुम्हेहिं वीरसेणकुमरेण । सह पडिवन्नं जं तं मुसा करिस्सह किमिन्हि पि ॥३४८१।। तेहिं तओ पडिभणियं भविस्सए तं पि अन्नहा नेय । जम्हा तुम्हेहि समं अम्हे लोहं न काहामो ॥३४८२॥ गंतूण तओ कहिउं दूएहिं इमं पि वीरसेणस्स । तेण छलेणागंतु महिंदराओ हओ राओ ॥३४८३।। सव्वं पि तस्स सेन्नं मिलियं गंतूण वीरसेणस्स । पुव्वुत्तसेन्नसंखा इय जाया वीरसेणस्स ॥३४८४।। सोऊण सिंधुसेणो महिंदरायस्स तं तहा मरणं । मिलियं च वीरसेणस्स अक्खयं सव्वमविसेन्नं ॥३४८५।। संभमसमाउलमणो चिणाविउं झत्ति पुरपओलीओ। पायारे आरोहइ पहाण जोहे जयंताइ ।।३४८६।। पेसेइ पुणो वि पुरिसे पासे माउलयससुरराईण । तो सयमक्कंदइ मज्झ संठिओ पउमखेडस्स ॥३४८७।। एगंतमंतियाई महिंदरायस्स ताई सुमरंतो । ससिणेहाइं हियाइं परिणामसुहावहाइं च ॥३४८८।। मुच्छं गच्छइ चेयइ पुणो वि कंदेइ उच्चसद्देण । ताडइ सिरं च हिययं दोहिं वि हत्थेहिं पुणरुत्तं ॥३४८९।। पाए पसारिऊणं रंड ब्व रुयंतओ न विरमेइ । विलवेइ बहुपयारं चितंतो तस्स चरियाई ॥३४९०।। हा भाय ! नेह निब्भर पाहुणओ तंसि आगओ मज्झ । निक्करुणेण मए पुण कओसि कीणा स पाहुणओ ।।३४९१।। नाऊण मम अणत्थो होतो अंगीकओ सयं तुमए । परजीवियस्स कज्जे न को वि निय जीवियं चयइ ॥३४९२।। को अन्नो तुह तुल्लो महीयले सयणवच्छलो होही । को वा परोवयारी को वा निय जीयनिरवेक्खो ॥३४९३।। होति जए दायारो बहुयस्स वि के वि निययविहवस्स । जो देइ नियं जीयं तुमं व दिट्ठो न सो को वि ।।३४९४।। को मंतणयम्मि ठिओ मंतिस्सइ दीहकज्जपरिणामं । कस्स पुरो जंपिस्सं नियदुक्खमलक्खणो अहयं ।।३४९५।। १- पयाणपाइं जे. । २ मं चा भय पा० । ३ तेहिं पा० । संचइऊण पा० । ४ हिउ दु.पा. । ५ जयंतामइ पा.
६. हुणा ओ पा०