Page Text
________________
सिरिमुनिसुव्वयजिणिदचरियं
१०७
जुगवं पि फेडिऊणं चिरंतणं सव्वमेव नवमवरं । काउंन तीरए संपयं पि सतुम्मि समुन्ने || ३४३१ || मज्झेणं थेव च्चिय जइ फेडिज्जंति केइ वि तओ ते । गंतुणं वीयपक्खे मिलति तुह होंति निरवेक्खा ।। ३४३२ ।। अन्ने अफेडिया विह अप्पभएणं चएवि तुह पासं । वच्चति वीरसेणं एवं तुम्हे हि विसयं पि ।। ३४३३॥ सो होइ कओ पोढो सपि तुम्भे हवेह असहाया । ता अत्तसमीवकयं सेन्नं रक्खेह गयसे ||३४३४||
कह विवरण उवविद्वाण वि इहेव तुम्हाणं । आगच्छिही तहा विहु दुग्गासयणं करिस्साम ।। ३४३५ ।। न उणो अम्हे ज्ज्झतेण समं संपयं गहिस्सामो । साहेज्ज बलेण दुहा चित्तस्स इमस्स सेन्नस्स || ३४३६॥ पेसेउं निय दूए लच्छोरमणाभिहाण नयराओ । राया अणंगदेवो अम्ह पिया तुम्ह माउलओ ।।३४३७।। हक्कारिज्जउ रयणत्थलाउ पुण मयण देवनरनाहो। तुम्ह ससुरो बलिट्ठा दो वि नरिंदा इमे इन्हि ।। ३४३८ || संपत्सु इमेसुं दो वि भूमीसरेसु तो जत्ता । उवरिम्मि वीरसेणस्स की रए सावट्ट भेहि || ३४३९॥ सेनं पिदुहा चित्तं जं चिट्ठइ तुम्ह तंपि सासंकं । जायइ न मिलइ तत्तो गंतूणं वीरसेणस्स || ३४४०।। पडिवज्जिऊण एवं महिंदरायस्स जंपियं तेण । मुक्को कडयारंभो नरवइणा सिधुणेण || ३४४१ | ततो पहाणपुरिसा रणत्थललच्छिरमणनयरेसु | दोन्हं पि नरिंदाणं पासे संपेसिया झत्ति ।। ३४४२॥ एयं च अम्ह सव्वं जाणावइ संधिविग्गहनिउत्तो । नामेण जयाणंदो पच्छन्ने पेसिउ पुरिसे ||३४४३|| नामेण सूरदेवो रायाएसाण लेहओ अस्थि । कायत्थो सो वि इमं जाणावए अम्हं ।।३४४४।। तो आह वज्जकुंडलकुमरो जह एरिसम्मि परिवारे । जं सिधुसेणराया जीवइ अज्ज वि तमच्छरियं ।। ३४४५।। माहवराओ अह विन्नवेइ तं वज्जकुंडलकुमारं । नूण न जीवइ एसो जइ रूसइ वीरसेणो से || ३४४६॥ किंतु परमेत्तियं चियं पओयणं तस्स वीरसेणस्स । जं रज्जं गहिऊणं कीरइ देसो सुही सव्वो ।। ३४४७ ।। तह तंपि संठविस्सइ जइ सो वयणं करिस्सए तस्स । तो बेइ वज्जकुंडलकुमरो एवं न संभवइ ।। ३४४८ ।। कथं पढमं देसम्मि जम्मि किर जेण । सो तम्मि चेव देसे कह सक्कइ सेवओ होउं । । ३४४९ ।। तम्हा एस वराओ न भराडो न य भविस्सए भंडो । दुन्ह वि गईण चुक्को जाओ तह सोयणिज्जो य ।। ३४५० ।। अह तं माहवराओ विन्नवए वज्जकुंडलं एवं । एत्तिय दूरं करुणा जइ तुम्हं सिंधुसेणम्मि || ३४५१ ।। तो दिज्जउ आएसो एत्थागमणम्मि वीरसेणस्स । सव्वंपि तत्थ चइउ जह सो अंगेणं इह एइ || ३४५२।। तो हसिऊणं चक्किस्स नंदणो तं भणेइ जह एवं । भणियं मए सरूवं न उण अहं तस्स सावेक्खो ।। ३४५३।। इच्छामि वीरसेणं चेव अहं गरुमुन्नाई नेउं । साहेह पत्थुयमिओ माहवराओ ओ कहइ || ३४५४ ।। तो उच्छुवाडनामे नियडे गामम्मि उच्छुचरणत्थं । गय साहणं नरिंदेण पेसियं सिधुसेणेण ।।३४५५।। नाऊण वीरसेणो सयं गओ आससाहण समेओ । वहिऊण अहोरतं गिन्हइ गयसयतिगं तत्थ ।। ३४५६।। दोन्निय तुरयसहस्से पेसेऊणं तओ सिरिनिवासे । गयसाहणं समग्गं सयंगओ वाहवल्लीए || ३४५७।। गामे चरेहिं नीओ तत्थ तुरंगाण सोलससहस्सा । गहिया वल्लिनिबद्धा चरमाणा कोरडिंतेण ।। ३४५८ ।। अन्नेसि पुण संतियमेस न केसिपि गिन्हइ तणं पि । कोडुंबियवणियाईण रक्खए ते विसेसेण || ३४५९।। देइ परओ वि तत्तो पयाणयं सिरिनिवासनयराओ । कालेण तओ नीओ गामे वणवद्दनामम्मि || ३४६० || सो वीरसेणकुमरो खणाविऊणं सुवन्नकोडिदुगं । अहियं तत्थ वि गिन्हइ पुव्वनरिदाण निययाण || ३४६१।। इय सिंधुसेणराया सोउं जाओ जलंतकोवग्गी । हक्कारिऊण मंतर महिंदराएण सह एवं || ३४६२।। ह ह सहिम अम्हे तह तह अम्हाण मत्थए चडइ । सो दुट्ठवीरसेणो ता एवं फुरइ मह चित्ते || ३४६३।।
मत्तं
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |