Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 139

१०६
वज्जकुंडलचरियं एएण पयारेणं दव्वेण न किपि विज्जए खूणं । जे के वि वित्ति रहिया सेवंता आसि ते सव्वे ॥३३९८।। खत्तियकुमरा मोत्तूण सिधुसेणं समागया पासे । कुमरस्स वीरसेणस्स संजुया सव्व सबलेण ।।३३९९।। पावंति ते मणागं भोयणमेत्ताइ वीरसेणाओ। तेण वि ते परितुट्ठा सेवंति भविस्स आसाए ।।३४००।। एवं सेन्नं बहुयं संजायं वीरसेणकुमरस्स । आसाण वीस सहसा पाइक्काणं पि लक्ख दुगं ।।३४०१।। इय सिंधुसेण रन्ना नायं जह वीरसेण दूएहि । गंतूण किं पि भणिया मह मंडलिया इणो सव्वे ।।३४०२। तो तेण संकिएणं मंडलियाईण आहवणहेउं । नियपुरिसा पेसविया तेहि वि कयमुत्तरं एयं ।।३४०३।। संवहिऊणं कइवयदिणपज्जते समागमिस्सामो । आगंतुं दूएहिं कहियमिणं सिधुसेणस्स ।।३४०४।। संकियमणेण दूए पेसउं तेण ते पुणो भणिया। निय' अंगणं तुब्भे आगच्छह ताव सिग्घं पि ॥३४०५।। जम्हा तुब्भेहि समं गुरुकज्जं मंतणिज्जमिह अस्थि । मंडलियाईहि वि उत्तरंकयं संकिएहि तओ ॥३४०६।। अम्हे आहूया वीरसेणकुमरेण पेसिउं दूए। अम्हेहि अपडिवन्ने लोभेउं अम्ह सुयपमुहा ॥३४०७।। दूएहि तेहिं नीया पासे कुमरस्स वीरसेणस्स । घेत्तूण साहणं सह राउत्तेहि पभूएहि ॥३४०८।। पुव्वं पि ते सखणुसा इओ तओ गंतुकामया आसि । दूएहि तेहि भणिया गया तओ झत्ति उठेउं ।।३४०९।। अम्ह समीवे तुम्हं आगंतूणं गयाण इन्हि तु । पणिहिपुरिसेहि कहियं जह ते सेन्नं अइपभूयं ।।३४१०।। गहिऊण वीरसेणाउ तुम्ह देसे उवद्दविस्संति । तेणा गंतुं रन्नो पासम्मि न सक्किमो इन्हि ॥३४११।। जइ सिधुसेण राया करेइ उवरिम्मि वीरसेणस्स । कडयंतो संवहिउं अम्ह विह तत्थ वच्चामो ॥३४१२।। जं विय अणत्थदारं संरुद्धे तम्मि चेव पढमं पि। का वि हिययम्मि संका संजायइ नेय अम्हं पि ।।३४१३।। पुव्वं पि मंतियमिणं दूयमुहेहिं परोप्परं तेहिं । जं सिंधुसेणरन्नो दूयाण पुरो भणेयव्वं ॥३४१४।। एएण कारणेणं तुल्लं चिय जायमुत्तरं तहिं। साहणियतंतवालेहि साहियं सयमिणं तइया ॥३४१५।। गंतूण सिंधुसेणस्स जह गओ अम्ह संतिओ अमुगो। दूएहि वीरसेणस्स कड्ढिओ अम्ह (अ) कहेउं ।।३४ १६।। तो सिंधुसेणराया तेसि उरि मणागमवचित्तो। होउं पुणं उज्जुमणो जाओ सयमेव कहणाओ ॥३४१७।। कहिए विसयं मंडलवईण वयणेसु पच्चओ न तहा। तह वि निव सिंधुसेणो संसइ य मणोवि पेसेइ ।।३४१८।। नियदंडनायगेणं सह ते सामंतमंडलियपमुहे । निय सामग्गीसहिए सम्माणेउं कइवएवि ।।३४१९।। कोट्ठयबलमज्झाओ निरूवए तत्थ मत्तहत्थिसयं । पंचासहयसहस्से पंचयपाइक्कलक्खाई॥३४२०।। एवं पभूयबलसमदएण सह पेसिओ महाणंदो। नामेण दंडनाहो जाइ अखंडप्पयाणेहि ।।३४२१।। गंतूण तं समग्गं सेन्नं कुमरस्स वीरसेणस्स । मिलिऊण संपयट्ट पविसेउं देसमज्झम्मि ॥३४२२।। सह वीरसेण कुमरेण आगयं सिरिनिवासठाणम्मि। तत्थ महाभंडारियपुरिसो एगो समागतुं ।।३४२३।। कुमरस्स वीरसेणस्स साहए भूमि वि णिहियं दव्वं । पुचिल्ल नरिंदाणं खणाविउं तं समग्गं पि ॥३४२४।। संगहियं कुमरेणं ठाणं एक्काए कणयकोडीए। नाऊण सिंधुसेणो राया एवं मणे कुविओ ॥३४२५।। सयमेव वीरसेणाभिमुहं जा चलइ ताव पडिसिद्धो। माउलयनंदणेणं महिंदराएण सो झत्ति ।।३४२६।। भणियं च तेणं एवं सन्नं जं कि पि चिट्ठए तस्स । पासम्मि वीरसेणस्स संतियं तुज्झ तं सव्वं ॥३४२७।। गंतूण तस्स मिलियं केहिं वि वयहि तेण भोलवियं । संपइ तुम पि वच्चसि सेन्नेणं जेण सह तत्थ ।।३४२८ तस्स वि को मुणइ मणं तत्थ गयंतं पितं समप्पेउं । तस्सेव वीरसेणस्स जइ मिलइ को निवारेइ ।।३४२९।। दो चितो जेण इमो परिवारो तुम्ह संतिओ सब्दो। ता कस्स वि वीसासो काउंसक्किज्जए नेय ॥३४३०।।