Page Text
________________
सिरिमुनिसुव्वयजिणिदचरियं
एक्कक्के जिणभवणे वच्चइ निच्चं पि कारए अव्वं । बहिगामेसु वि नियडेसु जाइ सड्ढेहि वाहरिओ ।।३३६५ जत्ता विसेससमए गहिऊणं चक्कट्टिणो आणं । इय वज्जकुंडलो सो तिवग्गजुत्तं गमइ कालं ।।३३६६।। अह कइवयदियहाणं पज्जते वीरसेणकुमरेण । माहवराओ पासम्मि पसिओ चक्कितणयस्स ।।३३६७।। तं पणमिऊण सो तेण पुच्छिओ तस्स कहइ संखित्तं । जं वीरसेणकुमरेण वेढियं पउमखेडपुरं ॥३३६८।। तो वज्जकुंडलेणं कुमरेण ससंभमेण सो पुट्ठो। केत्तियसेन्नेण पुरं पवेढियं वीरसेणेण ।।३३६९।। अह सो माहवराओ कहेइ संखं समग्णसेन्नस्स। पनरसहत्थिसयाइं हयाण अड्ढाइया लक्खा ॥३३७०।। चउरोपाइक्काणं कोडीओ रहवराण पुण संखा। का वि मए विन्नाया न तारिसी निच्छयसमया ।।३३७१॥ तो वज्जकुंडलेणं माहवराओ पुणो वि सो पुट्ठो। कह तस्स एत्तियबलं जायं मे कहसु वित्थरओ।।३३७२।। सो कहइ वीरसेणो एत्तो ठाणा पहम्मि वच्चंतो । जेसि केसि पि गओ मज्झेणं ठक्कुराणं ।।३३७३।। सवेहि तेहि धरिओ पाहुणओ तुरय-करहमाईहिं । सम्माणिओ य एवं संजायं तस्स तुरयाणं ।।३३७४।। सहसदुगं अब्भहियं करहाण सयाइं अट्ठ अहियाइं । चडिएहिं पायलेहि य पाइक्काणं दसहस्सा ।।३३७५।। भणियं च तेहिं एवं जं कि पि पओयणं तुहम्हेहिं । तं सव्वं कहियव्वं अम्ह तए निव्वियप्पेण ।।३३७६।। एसो पुण नीसेसो तुम्ह पसायस्स विलसियविसेसो । सो चेव वीरसेणो अन्नह एएण मग्गेण ॥३३७७।। आयाओ पुव्वं पि हु दिट्ठो केण वि परं न आलत्तो । जं अज्ज वि तस्स तया आसि पसाओ न तुम्ह कओ।३३७८।। गंतूण तओ गहिओ आवासो वीरसेणकु मरेण । एत्तिय सेन्नेण समं सुसेण देसस्स सीमाए ।।३३७९।। गहिऊण खग्गवत्तलमुवागओ वीरसेणवरकुमरो । सव्वत्थ वि वित्थरिओ एस पवाओ पुरा चेव ।।३३८०।। तत्थट्ठिएण तत्तो मंडलियाईण पेसिया इमिणा । सवेसि निय दूयासिक्खवणं एरिसं दाउं ॥३३८१।। जह सिंधुवीररन्नो अंगरुहो हं च सिंधुसेणो य । पहुपुत्तत्तं दोन्हं पि अम्ह सममेव तो तुम्ह ॥३३८२।। पढमसुओ अहिगारी रज्जस्स अहं इमो मह विसेसो। रज्जपइट्ठा विहिया नरवइणा सिंधुसेणस्स ।।३३८३।। तस्स वि नरवइणो जो सामी सिरिवज्जनाहिचक्कवई। तेण विइन्नं रज्ज मज्झसुसेणम्मि देसम्मि ।३३८४।। एवं विचितिऊणं उचियं जं कि पि कुणह तुब्भे । जइ मं समीहह तओ आगंतूणं मह समीवे ।।३३८५।। गिन्हह आवासं अन्नहा उ होऊण सिंधुसेणस्स। पक्खम्मि जुज्झ सज्जा आगच्छह सम्मुहा मज्झ ।।३३८६।। गंतूणं तेहिं तओ दूएहिं सव्वमंडलवईणं । सामंतडंडणाय गतं ताहि व साहणवईणं ।।३३८७।। तं वीरसेणवयणं कहियं तेहि वि पयंपियं एवं । जं अम्ह समीहा वीरसेणकुमरस्स नन्नस्स ।।३३८८।। दुएहि तओ भणियं जइ एवं सबमेव तो तुब्भे । संवहिउं आगच्छह कडए सिरिवीरसेणस्स ।।३३८९।। मंडलियाईहिं तओ भणियं जह संपयं पिनो अम्हे । आगंतुं तत्थ खमा किंतु निए सोयरे पुरिसे ॥३३९०।। थेवेण विसेन्नेणं समन्निए तत्थ पेसइस्सामो। समयंतरम्मि अम्ह सयंपि तत्थागमिस्सामो ।।३३९१।। दूएहि तओ भणियं पेसह इन्हि पि सोयरे पुरिसे । तो केण विणियपुत्तो केण वि भत्तिज्जओ तह य ।३३९२। अन्नेण विनिय भाया एवं कणा वि कोवि पट्टविओ। नियसत्ती अणुरूवं दव्वं पि हु पेसियं हि ॥३३९३।। दीणाराणं लक्खो तह पिमित्तस्स वाणिउत्तेणं । वारेहि दोहि तीहिं वि पट्टविओ वीरसेणस्स ।।३३९४।। एगं लक्खं संपइ अहं गहेऊण तस्स पासाओ। वच्चिस्सामि समीवम्मि वीरसेणस्स कुमरस्स ।।३३९९५।। अन्नेसि पि बहूणं सुसेणदेसे निवासिवणियाणं । धणवंताण समीवे मग्गिज्जइ इच्छियं दव्वं ।।३३९६।। आणेऊणं केइ वि वणिणो सयमेव दिति नियदविणं । जपंति जया तुम्हं होइ तया अम्ह दायव्वं ।।३३९७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |