Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 137

१०४
वज्जकुंडलचरियं
हक्कारेउ पुरिसो आवासाओ समागओ मज्झ । गंतूण तत्थ तो हं पुणो वि हइ आगमिस्सामि ।। ३३३२ || तो वज्जकुंडलेणं समणुन्नाओ नियम्मि आवासे । जा जाइ वीरसेणो ता दिट्ठो सागरो नाम ||३३३३।। पियमित्तवणियपुत्तो तेण तहि आसणे समासीणो । तो तेण वीरसेणो पणओ लहु आसणं मोतुं ।। ३३३४ ।। एते विट्ठ विन्नत्तो तो इमं जहा इन्हि । कुसुमउराओ पियमित्तपेसिओ आगओ पुरिसो ||३३३५ ।। लेहं गहिऊण इमं तो हत्थाओ इमस्स तं गहिउं । वाएइ वीरसेणो जावतओ तत्थिमं लिहियं ॥ ३३३६॥ रज्जम्मि सिंधुसेणं निवेसिउं सिंधुवीरनरनाहे । सग्गं गओ ओ मे कहा वियं आसराएण || ३ ३३९।। जह पुव्वं अम्हहिं जीवंते सिंधुवीर नाहे । दंसेउमिस्स भयं निवारिओ सिंधुसेणनिव ।। ३३३८ ।। तुह जिमंदिरभंगं कारितो एत्तियाई दियहाई | संपइ निरंकुसो एस रक्खि तीरए नेय ।। ३३३९ ।। तो अह भरवसेणं न चिट्ठियव्वंतर मणागं पि । जो को वि तुज्झ अन्नो फुरइ उवाओ स कायव्वो ।। ३३४०।। तो सिंधुसेणराया जिणहरभंगं करिस्सए जइमे । तो कय पच्चक्खाणो भक्खे वि विसं मरिस्सामि ||३३४१ ।। मइ जायम्मि परोक्खे मज्झ सुओ वीरसेणकुमरस्स । वणिउत्तेहि सागरपमुहेहि भलाविव्वति ।।३३४२ ।। एवं पियमित्तणं सागरपमुहाण वर्णियपुत्ताण । संपवियं लेहं अवहारेऊण कयखेओ ।। ३३४३ || तो वीरसेणकुमरो सागरसमुहं पयंपए एवं । तह कह वि करिस्समहं जिणहरभंगो जह न होइ ||३३४४ || पेसेउं नियलेहं जाणावेयव्व मेरिसं तुमए । पियमित्तस्स जहा सो न कि पि अधिई मणे कुइ ।। ३३४५ ||
सिक्खं दाऊणं विसज्जिऊणं च सागरं सगिहे । माहवराएण सम्मतं लेहं अत्तणो हत्थे ||३३४६॥ गहिऊण पुणो सिग्धं समागओ वज्जकुंडलसमीवे । दंसेइ तस्स लेहं सो वि निएऊण तं तत्तो ।। ३३४७॥ वच्चइ नरिदभवणे सहिओ कुमरेण वीरसेणेण । तम्मि समयम्मि चक्की अज्ज वि नो देइ अत्थाणं ।। ३३४८।। पडिहाराओ जाणाविऊण सिरिवज्जनाहिचक्किस्स । गंतूण सन्निहाणे एगो विन्नवइ एगंते ।। ३३४९।। सव्वपि सरूवं सिधुसेणरायस्स संतियं सम्मं । पियमित्त से द्विपे सियलेहं च पयंसए तस्स ।। ३३५०।। अह खग्गवत्तलादावणम्मि विन्नवइ वीरसेणकए । चक्की वि तक्खणे खग्गवत्तलं तो लिहावेइ ।। ३३५१ ।। हक्कारावेडं वीरसेणमप्पे तं सयंतस्स । सम्माऊण विसज्जए एयं तओ एसो ||३३५२।। मऊण चक्कवट्टि विणएण सवज्जकुंडलकुमारं । निय आवासे गंतुं सिग्धं संवहिउमारो ||३३५३ ।। अह वज्जकुंडलो बिहु विसज्जिए अवसरम्मि चक्किस्स । नियमंदिरम्मि पत्तो नाउं तो वीरसेणेण ।। ३३५४ || आगंतु विन्नत्तो गमणत्थं मंडलेसु सेणम्मि । एते नेऊणं पुट्ठो सो चक्कितएण ।। ३३५५ ।। तुह पास थेवच्चिय सामग्गो जेत्तियं तुमं भणसि । तेत्तिय सेन्नं सह पट्टवेमि तुमए अहं इन्हि ।। ३३५६ ।। हसिऊण वीरसेणेण जंपियं किं करिस्सए अन्नं । सेन्नं मे एएण वि सेन्त्रेण अहं गहिस्सामि ।। ३३५७।। रज्जं तस्स समीवाउ दुव्विणीयस्स सिधुसेणस्स । किं च जइ तस्स ससुरो माउलओ वा समागंतुं ॥। ३३५८ ।। न करिसइ साहेज्जं जहा ते निवइणो महाबलिणो । तेसु समागच्छंतेसु तुम्ह वत्तं कहा विस्स ||३३५९।।
वित्त सो वज्जकुंडलो वीरसेणकुमरेण । दाऊं वत्थाहरणाई तस्स तो तं विसज्जेइ ।। ३३६० ।। अह वीरसेणकुमरो नमिऊणं वज्जकुंडलकुमारं । वच्चइ सकज्जसाहण समुज्जओ लहु पयाणेहि ||३३६१।। अह चक्कावितणओ उवसमओ बहुय असुहकम्माणं । विहवाइ फलं मन्नइ जिणपडिमाई सुविणिओगं । ३३६२ । तो दियहं गिम्मि वाराओ तिन्निजिणपडिमं । अट्ठहिं वि पयारेहिं नाणाविह भंगिरमणिज्जं ।। ३३६३।। वंदइ नमसइ तहा अविरलरोमंचकंचुइज्जतो । एवं चियचिदभवणे वंदइ साहू सुणइ धम्मं ।। ३३६४।।