Page Text
________________
सिरिमुनिसुब्वयजिणिदचरियं
आओ पत्तेण तहवि चलिओ न एस ठाणाओ । एएण देहसामत्थमुत्तमं नज्जइ इमस्स ।। ३०४३ ।। तह पाणिघायधावणविणियत्तणचक्कभमणपभिईहिं । आरोहणावरोहणमाईहि मए समं नीओ || ३०४४।। तो मइखधारूढे मग्गे मंगलउरस्स जा एइ । सणियं सणियं खिन्नत्तणेण ता दिट्ठमेएण || ३०४५।। सम्मुहमा गच्छंतं मम सेन्नं तक्खणे वि तो एसो । उक्कन्नो संजाओ तं हणिउमणो पलोयंतो ||३०४६॥ किर धाविस सहसा तयभिमुहो ताव इंगिएहिं मए । नाऊण करयलप्फालणेण तह कोमल गिराहिं ॥ ३०४७।।
सिद्ध पयईए ठिओ तओ सरवरम्मि पक्खित्तो । विणियत्तंतो तत्तो जलकरिणा पच्छिमपए से || ३०४८ ॥ पहओ करेण परिवत्तिऊण एएण दंतमुसलेहि । विद्धो सो जलहत्थी नट्ठों परओ पविट्ठो य ।। ३०४९॥ गंभीर सलिले पट्ठीए तस्स एस वच्चंतो । महथा किच्छ्रेण मए नियत्तिऊणं बहिं नीओ || ३०५०।। एएहि चेट्ठिएहि नज्जइ एयस्स उत्तमं सत्तं । ता सव्वहा वि एसो सव्वेहिं गुणेहिं पडिपुन्नो || ३०५१|| एवं कहिऊण ठियं पुच्छइ आरोहओ निवकुमारं । जई गिज्झइ मोल्लेणं इमो करी कि तओ लहइ || ३०५२।। अह कुमरो हेडाउयपुरिसे पुच्छे कहह करिमोल्लं । जंपंति ते वि एवं अम्हे एयस्स हस्थिस्स ।। ३०५३ ।। मुलं न जाणामो जेण न अम्हेहि एरिसो हत्थी । कीओ दिट्ठो निसुओ कया वि कत्थइ सजम्मम्मि ।। ३०५४ ।। एवं पुण जाणामो नियबुद्धीए जहेरिसो हत्थी । कंचनकोडीए वि हु लब्भंतो मुच्चए नेय ।। ३०५५ ।। अन्नेहि त भणियं पुन्नममुल्लं जमत्थि कुमरस्स । तेणेस समाणी ओ तो मुल्लमिमस्स कह होइ ।। ३०५६ ।। परंतारेण भणियं कुमर ! इमो गंधसिंधुरो नूणं । अन्ने करिणो एयस्स हेवासे न जंति जओ ।। ३०५७।। एवं कुव्वताण वि कुमरप्पमुहाण तत्थ करिविसए । नाणाविहमालावं संढियगा झत्ति संपत्ता ||३०५८।। विस्सउराओ सिरिविस्सकंतपुहइसरेण पट्टविया । नमिउं कुमरकरे ते रायाएसं समप्र्पति ।। ३०५९ ।। मुहवयण कहंतिय जह तुम्भे विस्सकंतनरनाहो । हक्कारइ सिग्घयरं विस्सउरे नियसमीवम्मि || ३०६०।। कुमरेण वाइऊणं रायाएसं सयं समग्गाण । पुरओ निवेश्य मिणं पासनिविट्ठाण निययाण ||३०६१। दोवारिहि कहियं जं मुहवयणेण एत्थ वि तमेव । रायाएसे लिहियं समागयं अम्ह आवणं ।। ३०६२ ।। ए भणिऊणं कुमरो नियपरियणमाइसेइ संवहिउं । ठावेइ लच्छिवद्वणनामं अह वण इंदस्स ।। ३०६३ ।। बीम दिने सोच्छवद्धणं सिधुरं समारुहिउं । सिग्धं वच्चइ विस्सउरसम्मुहं गुरुपाहि ।। ३०६४ || कवदिह पत्तो कुबेरदत्तो पुरम्म विस्सउरे । पणमइ पिउणो पयपंकयाइं परमाए पीईए || ३०६५ || पिउणा कुबेरदत्तो गाढं आलिंगिऊण इय भणिओ । वच्छ ! तुमं मह जाओ गिहत्थ धम्मोवथारकरो ।। ३०६६।। जह पुव्वं तह संपइ होसु सहाओ सुबाहु धम्मम्मि । नियभुयखंभे आरोविऊण सयलं पि रज्जभरं ।। ३०६७।। अह सो कुबेरदत्तशकुमारो सिरम्मि संघडिउं । क कमलजुयं विन्नवइ एरिसं निययजणयस्स || ३०६८।। देव ! मह एत्तिय च्चिय इच्छा जह तुम्ह पायपरमाणं । आणं कुणमाणो निच्चमेव चिट्ठामि नियडत्थो । ३०६९।। किंतु विसोक्खसहायचरित्तधम्ममि उज्जमंताणं । तुम्हाणमंतरायं करेमि कह संपयं तत्तो ।। ३०७० ।। कुह सकज्जं तुब्भे तुम्हाएसो पमाणमम्हाण । इय वित्तो राया कुबरदत्तेण कुमरेण || ३०७१ || हक्कारिण गणए हरिसविसप्पंत पुलयकलियंगो । रज्जाहिसेयदियहं कुबेरदत्तस्स पुच्छेइ ||३०७२ || तयम्मि दिने दियो पभाय समयम्मि तेहि परिकहिओ । राया पवणीकारइ सव्वं अहिसेय सामरिंग ।। ३०७३ ।। पणजोयणववहाणे ठियाण सिरिविमलजहमुणिदाण । हक्कारणकज्जेणं पेसइ पुरिसे पत्ते ||३०७४ || जाम यदि कुबेरदत्तस्स कारए राया । पढमं चिय रज्जपए महाविभूईए अहिसेयं ।। ३०७५ ।।
Jain Education International
For Private & Personal Use Only
९५
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |