Page Text
________________
सिरिमुनिसुव्वयजिणिंदचरियं आयामुस्सेहसमन्निओ य सूरो पलंबरिउ पुच्छो । कुम्मायारेहि छणिंदुबिंबवट्टेहिं पाएहि ।।२९७७।। सुपसत्थेहि नहेहि गमणेण य महियलं बिहू संतो । उन्नमियपुव्वकाओ नमतपच्छिमविभाओ य ॥२९७८।। संपुन्नगत्तसंधीनवपाउसमेहगज्जिसमघोसो । रत्तो-टुतालु-जीहो आयंबिरकन्नकरमज्झो ।।२९७९।। आरब्भपुक्खराओ उवरुवरिकमेण थूलयर हत्थो। उचियकवोलभाओ वेगजुओ सविणओ दक्खो।।२९८०। परजूहभंजणखमो परकुंजरघायजायमयपवहो । कोविज्जतो कुप्पइ अणुणीओ लहुवसी होइ ।।२९८१।। सव्वसुहलक्खणधरो सत्तंगपइट्ठिओ महाकाओ । होइ कुमारकरिंदो उप्पन्नो भद्दजाईए ।।२९८२।। तो आह पउमतारो ते करिलक्खणवियाणए पुरिसे । भद्दगयायामुस्सयपरिणाहपमाणमखेह ॥२९८३॥ अह ते कहंति जह तलसंधिट्टाणाउ आसणं जाव । सत्तेव होंति हत्थाउस्सहो भद्दहत्थिस्स ।।२९८४॥ तह पेवयाउ तिरियं पडिमाणं होंति जाव नवहत्था। आयामे परिणाहे नेया मज्झम्मि दसहत्था ॥२९८५।। एक्केण तओ करिलक्खणण्णु पुरिसाण मज्झओ भणियं । अज्जवि इमस्सं करिणो अम्हेहि न तालुयं दिट्ठ।२९८६। तल्लक्खणविसेसेण लक्खणिज्जंतु लक्खणण्णूहि । कुमरो पभणइ पेक्खह उठेउं तंपि लहु तुब्भे ।।२९८७।। सो पभणेइ कुमारं हत्थिपगं भणह कं पि जणेसो। बियडावइकरिवणं तेण तओ कारियम्मि तहा ।।२९८८। उठेउं ते करिणो तालुतलं पेक्खिऊण साहेति । कुमरस्स पुरो जह तालुलक्खणं दुट्ठमयस्स ।।२९८९।। कुमरो पुच्छइ किह ते बेंति जहा कसिणकं तिलं कामं । तं तारिसं तु पुव्वुत्तबहुगुणग्गामनासयरं ।।२९९०।। तो संभंतो कुमरो उठेउं तं सयं पलोएउं । उवविट्ठो पल्लंके हिट्ठो जंपइ तओ एवं ॥२९९१।। करिलक्खणण्णुपुरिसाण सम्मुहं जह इमं अइपसत्थं । कसिणं पि तालुकरिणो इमस्स जं दाहिणावत्तं ।।२९९२।। जइ होइ दाहिणावत्त-वज्जियं केवलं पि तं कसिणं । तो जह कहियं तुम्हेहि दूसणं तं तहा हवइ ।।२९९३।। अहवा इमस्स करिणो जइ तहवई तालुदाहिणावत्तं । तह वि कसिणं पि एयं नयणगणेहि न दोसयरं ।।२९९४।। जम्हा सत्थे भणियं कम्मि वि अंगम्मि हत्थिणो जायं। अवलक्खणमियरंगस्स कस्सई लक्खणगुणे णं ।।२९९५।। नासिज्जइ त्ति करिणो एयस्स उ नयणलक्खणं अस्थि । महुपिंगनिद्धदिप्पंतलोयणो जं इमो तम्हा ।।२९९६।। कसिणं पि तालुएयस्स दूसणं अत्तणो न य जणेइ। तो बेंति दंतिलक्खविऊ जहा कुमर ! अम्हेहिं ।।२९९७।। एत्तो च्चिय विन्नत्तं पढम चिय जह न तुम्ह सक्केमो । कि पि कहेउं अम्हे सयलकल पार पत्ताण ।।२९९८।। तो भणइ पुणो कुमरो गिरिचरयाई हवंति करिभेया। ते वि इह जाणियव्वा भणंति तो पउमताराई ।।२९९९।। तुम्हे च्चिय ते साहइ तो कुमरो कहइ गिरिचरा एगे। अन्ने होंति नइचरा उभयचरा हत्थिणो अवरे ।३०००। तत्थ नइचराउ वरो गिरिचरओ गिरिचराओ उभयचरो । पवरो इमो पुण करी उभयचरो उभयगुणभावा । जं गिरिचरो गुरुम्मि विथले लहं चडइ संकइ जलाओ। च्यजलभओ नइचरो थलम्मि आरुहइ नो सिग्छ।।३००२॥ उभयचरो गिरिजललंघणे वि कुसलो जहेस वणहत्थी। जम्हा वणर । मज्झे पट्ठीए मज्झ धावंतो।।३००३।। आरूढो थलसीसे मए समं कीलिऊण तो सुइरं । खिन्नो मज्झ वरा ओ इमम्मि तो हं समारूढो ।।३००४।। मंगलउरस्त मग्गे आगच्छंतेण तो मए एसो । जलपाणकए नीओ सरोवरे झत्तिओ इन्नो ।।३००५।। उंडम्मि जले विहिओ जलावगाहो असंकिएणिमिणा । उभयपुण दंसणाओ तो तज्जइ एस उभयचरो।।३००६।। अन्ने वि गुणाचउरो निरिक्खियव्वा बुहेहि हत्थीणं । इय कुमरेणं भणिए इयरे पुच्छति तं सब्वे ।।३००७।। जोडियकरा सविणयं ससंभमं जह कुमार ते वि गुणे। चउरो वि कहसु अम्हं गरुयपसायं करेऊण ।।३००८।। कुमरो कुबेरदत्तो कहइ तओ रूवगरिमवलसत्ते । एए गुणागयाणं चउरो वि जहुत्तरं पवरा ॥३००९।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |