Page Text
________________
९२
कुबेरदत्तरिय
पट्टमइयं कलावं सुवन्नमयदंड मंकुसं गहिउौं । दसति तत्थ कुमरस्स सो वि तं गाहिउं पुरिसं ॥२९४४।। आरोहावइ तुंगे रुक्खम्मि सयं तु तत्थ गंतूण । धारेइ वणगयं तस्स हत्थओ तं गहेऊण ।।२९४५।। पूरे इ कलावं कुंजरस्स कंठम्मि गिन्हइ करम्मि। अंकुसमणुसमयं चिय कोमलवयणेहिं तं हत्थि ।।२९४६।। पल्हायंतो वच्चइ फासंतो करयलण कुंभम्मि। हत्थी वि कुमरसा मत्थसंविओ पीइगहिओ य ।।२९४७।। अविणासंतो वच्चइ मग्गम्मि विमुक्क सब्वमण खणुसो । संझासमए पत्तो कुमरो नयरस्स बाहिम्मि ।।२९४८।। आवासं दावेउं रयणीए वसइ तत्थ हत्थि तु। रुक्खम्मि अंबिलीए आगलइ कओवयारतले ॥२९४९।। कयपवरमंचसोहे नयरम्मि तओ पभायसमयम्मि। पविसइ कुमरो वणवारणस्स खंधे समारूढो ॥२९५०।। पुरओ पच्छा दाहिणउत्तरओ तस्स वणगइंदस्स । हत्थसए णेगेण जाइ दूरट्रिओ लोओ ॥२९५१।। पेक्खिज्जतो कुमरो सविम्हयं सव्वनयरलोएण । पत्तो निय पासाए चिरेण कीरतमंगलिओ ॥२९५२।। ऊसारावेऊण चिरंतणं कंपि करिवरं तत्तो। तस्स कुडीए नेउं तं सयमागलइ वणकरिणं ॥२९५३॥ अह पाहरियाइजुयं पट्टगयारोहयस्स अप्पइ तं । आरोहपउमतारे भणइ य जह वणगयं एयं ।।२९५४।। सलिलं तह भोगं गाहिऊण गच्छेज्ज नियगिहं तुब्भे। तेहि तहा पडिवन्ने कुमरो गंतूण नियगेहे ।।२९५५।। मज्जण य भोयणाई किच्चं काऊण दिणतइय जामे। एइ वणकरिकुडीए आरोहयपउमतारा वि।।२९५६।। वणगय वि सयं कुमराएसं काऊण नियगिहम्मि गया। भोत्तूण जाव सयणम्मि संठिया ताव तेहिं सुयं।।२९५७।। जह किर कुमरो पगओ वणगयसालाए तो इमे झत्ति । नियनिय भवणेहितो संपत्ता तक्खणे तत्थ ॥२९५८।। करिलक्खणन्नुपरिसा गयहेडा वणिजकारिणो य तहा। हककारएण कुमरस्स आगया तत्थ सिग्धं पि।।२९५९।। धवलहरपडिच्छाया निहित्तपल्लंकसं ठिओ कुमरो। पुन्वुत्तपुरिसवग्गेण परिगओ करीकुडीसमुहो ।।२९६०।। चिट्ठइ अवलोयंतो तं वणहत्थिं सयं समाणीयं । करिलक्खन्नुपुरिसे आइसइ तओ जहा तुब्भे ।।२९६१।। उ8ऊणं एवं समंतओ वणगयं पलोएह । लक्खणमिमस्स पच्छा सुहासुहं मज्झ साहेह ॥२९६२।। कुमरा एसाणंतरमुट्ठ उं ते वि तं पलोएउं । कुमरस्स सन्निहाणे उवविसिउं सविणयं बैंति ॥२९६३।। दिट्ठो अम्हेहि करी संगोवंगो वि सव्वओ एसो। गरिमाए रूवेण य न खूणमेयस्स हत्थिस्स ।।२६६४।। नीसेसलक्खणजूओ एस करी भद्दजाइसंभूओ। संठाणमाणकलिओ निवाण आरोहणे उचिओ ।।२९६५।। देइ निय सामिणो सिग्यमेव रज्जं महाविभूई च । संगामे रिऊविजयं कल्लाणपरंपरं च सया ॥२९६६।। तो आह इमे कुमरो लक्खणमक्खेह भद्दजाइस्स । करिणो विवरेण तओ कुमरं ते विन्नवंति इमं ।।२९६७।। तुब्भे कुमारनीसेससत्थपरमत्थजाणया सम्मं । सयलकलातत्तविऊ सयं पि तो कि पुरो तुम्ह ।।२९६८।। कहिउं सक्का अम्हे पुरओ सुरसामिणो किमन्नेण । केण वि तीरंति गुणा वन्नेउं देवलोगस्स ।।२९६९।। तो बेइ पुणो कुमरो अन्ने चिट्ठति अम्ह पासम्मि । जे उवविट्ठा तेसि पुरउ साहेह मा अम्ह ॥२९७०।। इय भणिया कुमरेणं कहंति ते तस्स भद्दहत्थि गुणे। बटुन्नय-संहय-कुंभमंडलेणं मणुनसिरो ॥२९७१।। दुगुणी कय हत्थग्गेण चुंबमाणो वसुंधरा वीढं । आयंब पुक्ख रागारपुक्खरो आययंगुलओ ॥२९७२।। महुपिगसुहुमनयणो करसंसत्तं समुन्नयग्गं च । चंपगपीयच्छायं कलयंतो दंतमुसलजुयं ।।२९७३।। संपुन्नबिंदुकुंभो निद्धच्छायाभिरामदेहो य । मिगचासचवलवित्थिन्नकन्नपल्लवविरायंतो ।।२९७४। अणुबिंदुमालिया कलियचित्तमुहमंडलेण कयसोहो । कन्नेसु तहा चिबुगे सुहुमुग्गयरोमरहंतो ॥२९७५।। उधुरबंधुरकंठो सोहणवंसो य पिहुल-पट्ठी य । पडिपुनकुच्छिभाओ पासेसु मणोहरायारो ।।२९७६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |