Page Text
________________
सिसिमनिसुव्वयजिणिंदचरियं
अह तम्मि आरुहेउं कुमरो नियनयरमग्गमणुसरइ । अप्फालतो निय करयलेण कुंभत्थलं तस्स ।।२९११।। जं आसि कुमरसेन्नं पच्छाहुत्तं गयं नियत्तेउं । वीसमिऊणं तं जेमिऊण पुणं संवहेऊण ॥२९१२।। नीहरियं नयराओ समागयं तेत्तिए पएसम्मि । जेत्तिय दूरम्मि पयाई आसि दिट्ठाई तुरयस्स ।।२९१३।। तत्थ खणं ठाऊणं अन्नोन्नं मंतिऊण दिसिभायं । गहिऊण तओ चलिओं उद्देसेणुत्तरदिसाए ।।२९१४।। वामम्मि दाहिणम्मि य तुरयारोहा निरूविया सिंग्या। रयणि पि वहेऊणं बीयदिणे पढमपहरम्मि ॥२९१५।। दिट्ठो सम्मुहमेंतो आरूढोमत्तहत्थिखंधम्मि । कुमरो कुबेरदत्तो सेन्नेण पसन्नमुहकमलो ॥२९१६।। अह सेन्नगयजणणं परोप्परं पेक्खिऊण वयणाई। विम्हियमणेण भणियंपेक्ख अहो केरिसं चोज्जं ।।२९१७।। एक्कमविणीयं तुरयं नेऊणं आणिओ करी मत्तो। कह कुमरेण वणाओ ता नूणं एस पुननिहीं ॥२९१८।। सेन्नेण पणमिओ तो कुमरो जपेइ मा तुमे नियडा । होज्जह इमस्स वणकुंजरस्स दूरट्ठिया वयह ।।२९१९।। एत्थंतरम्मि पत्ता तुरयारोहावि वामभायाओ। सेन्नेण जे निउत्ता आसि कुमारं गवसेउं ।।२९२०।। नमिऊण तेहि कुमरो विन्नत्तो तावसासमे अम्हे । आसि गया कुणमाणा गवसणं तुम्ह तो तेहिं ।।२९२१।। कहियं अम्हाण इमं जह इन्हि अम्ह तावसकुमारा। आसि गया दोन्नि बहि समिहाईणं गहणहेउं ।।२९२२।। दिट्ठो तेहि कुणंतो कीलं सह मत्तवण-गइंदण । एक्को रायकुमारागारो तरुणो नरो कोवि ।।२९२३।। तं पेखिऊण तथा नियत्तिउ झत्ति ते तओ एत्थ । आगंतूण कहेउं अम्ह गया अन्नदिसिभाए ।।२९२४।। तो अम्हे तं तावसवयणं सुणिऊण तक्कहियमग्गे । लग्गा इहागया वरकुमार तुम्हच्चभंतीए ॥२९२५।। जा ताव पुग्नवसओ पच्चक्खच्चिय निरिक्खिया तुब्भे । इय सोउं कुमरेणं ते पुट्ठा तत्थ तुब्भेहि ।।२९२६।। वक्कस्स दोरिया अत्थि पेक्खिया कत्थई जइ तओ तं । पेच्छेउं लहु आणह तेहिं वि कहियं जहा दिट्ठा।।२९२७। उडयाण छाइयाणं उरि नारेण बंधणनिमित्तं । वलयंता वक्कलदोरियाओ बहुतावसकुमारा ।।२९२८।। चिट्ठति इओ निवडा भणिया कुमरेण ते तओ गंतुं । आणिति दोरियं जा इऊण लोहं कुडीसहियं ।।२९२९।। वत्थाई फालिऊणं वेढावेऊण तेहिं तं कुमरो। करिकंठकलावं कारवेइ लोहंकुडीए उ ।।२९३०।। कारेइ अंकुसं पेसए य पुरिसे तुरंगमारूढे । मंगलउरम्मि नयरे पट्टउयकलावमाणेउं ।।२९३१।। दूरट्ठियसेन्नेणं परियरिओ सव्वओ वि निवकुमरो। जा वच्चइ ता दाहिणदिसाए पत्ता गवसंता ।।२९३२।। कुमरं आसारोहा तं नमिउं ते मिलंति सेन्नस्स । अह कुमरो, अद्धपहे कत्थइ उचियम्मि देसम्मि ।।२९३३।। आवासं गिन्हावइ नियसेन्नं सव्वमप्पणा य पुणो। तं मत्तवणगइंदं नेऊण जलासए विऊले ।।२९३४।। पाणीयं पाएउं कारेऊणं जलावगाहं च । नलिणीनालाहारं गाहेउं केत्तियं वि तओ ।।२९३५।। वालइ जाव गइंदं नीहरिउमणो तओ निवकुमारो। ताव सरोवरमज्झाउ उट्टिओ जलकरी एक्को ।।२९३६।। तेणागंतूण अहोउ पच्छिमभायम्मि थोरहत्थेण । वणहत्थी सो विनियत्तिऊणं तं हणइ दंतेहि ।।२९३७।। अह तस्स वणगइंदस्स दंतघाएण ताडिओ वाढं । जलहत्थी झत्ति पलाइऊण सलिले अगाहम्मि ॥२९३८।। गंतुं लुक्को पच्छा पुणो वि सो वणकरीतयणुमग्गे । धावंतो पडिसिद्धो कुमरेण कुबेरदत्तण ।।२९३९।। नीहरिओ वणकुंजरखंधगओ सरवराउ तो कुमरो। नियसन्नाओ दूरे सल्लइ भक्खम्मि तं नेउं ।।२९४०।। आगलइ सयं तत्तो तं चिय सो वरइ वणकरीभक्खं । आवासम्मि कुमारो आगंतूणं कुणइ निदं ।।२९४१।। तो न्हाण-भोयणाई काउं गमिऊण घम्मसमयं च । तत्तो सेन्नं पुरओ पयाणयं दावए कुमरो ॥२९४२।। आरुहिऊण सयं पुण खंधे वसिंधुरस्स जा वलइ। मंगलउराउ पत्ता ता तक्खणमासवारा वि ।।२९४३।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |