Page Text
________________
सिरिमुनिसुव्वयजिणिदचरियं इय तव्वयणं सोउं पुणो वि पुट्ठो मए इमो एवं । परपरिभवम्मि होते जीवियकुसलं निवस्स न वा ॥२६५४।। आह तओ नेमित्ती होही निवजीवियस्स वि विणासो। पुट्ठो मए तओ सो पुणो जहा निवइणो निहणं ।।२६५५।। होही सयं पि किंवा परपासाओ तओ निमित्तण्णू । आह जह वि पक्खाओ तो पुट्ठो पुण मए एसो ॥२६५६।। जह सो सत्तू नज्जइ किं नामो कत्थ संपयं वसइ । नेमित्तिणा पभणियं न नज्जए एरिसं सम्मं ।।२६५७।। तत्तो ससंभमेणं सपयत्तेणं मए इमो पुट्ठो । जह किं पि तस्स रिउणो चिधं पि वियाणिउं कहसु ।।२६५८।। तो तेण वि चितेउं कहियमिणं जह इमस्स नरवइणो । जो को वि हत्थिहेडं हयहेडं दूरदेसाओ ।।२६५९।। मग्गे आगच्छति हढेण गिन्हिस्सए सयं गंतुं । जाणिज्जसु निय पहुणो जीयंतकरं तयं सत्तुं ॥२६६०॥ तन्नाण पव्वयकए तओ मए चितियं जहा किंपि । वत्थुरहस्समईयं पुच्छामि इमं तओ एसो ॥२६६१।। जइ तं पि वियाणिस्सइ तओ करिस्सामि पन्वयमिहो वि । अह तं न मुणिस्सइ तो इमं पि नेयं मुसा सव्वं ।२६६२।। अह पुच्छणिज्ज वत्थु चिंतेमाणस्स मज्झ चित्तम्मि :। विप्फुरियं झत्ति अणूपम्वाए मरणं तहा जायं ॥२६६३।। तुब्भेहि जहा कहियं मज्झ पुरो तम्मि चेव समथम्मि । तत्तो तीसे नामं अगिन्हयंतेण एमेव ॥२६६४।। सामन्नणं पुढें अम्हं संबंधिणी सगामाओ। एगा इहा गया आसि पुव्वमेत्तो पुणो चलिया ॥२६६५।। सा नियमामाभिमुहं तत्तो केणा वि अम्ह सा कहिया । वच्चंती अद्धपहे कहं चि पंचत्तमणुपत्ता ।।२६६६।। ता तुब्भे परिभावह एवं सच्चं उयाहु मोसं ति । तो तेण चितिऊणं कहियं जह सा न हु मय त्ति ।।२६६७।। तो एस मए भणिओ अज्ज वि कम्मयरिया वि तीए समं । परलोयगया सुव्वइ दुइज्जिया जेण परिकहिय।।२६६८।। दोन्ह वि मरणं तासि मज्झ पुरो तेण एरिसं कहियं । जह दोन्नि वि एयाओ दिट्ठाओ मए सदिट्ठीए ।।२६६९।। चोराणं धाडीए खग्गाभिहयाउ परभवगयाउ । कहगोउ मुसावाई मन्निज्जइ नेय सो ताव ॥२६७०।। एवं मए पभणिए भणियं नेमित्तिणा जहा एवं । सव्वं पि मुसा जाओ पुढाओ तए मम समीवे ॥२६७१॥ चिठंति ताओ दोन्नि वि अक्खयदेहाओ जीवमाणीओ। कहगेण जाओ कहियाओ ताओ अन्नाओ काओ वि ता तुम्ह कहियतम्मरणवइयरे पच्चयं कुणंतेण । नेमित्तिथस्स वयणं मए अलीयंति चितवियं ।।२६७३।। तो तंबोलं दाउं विसज्जिओ सो अणायरेण मए । चित्तम्मि निव्विसंका तओ ठिओहं दिणे कइ वि ॥२६७४॥ पुच्छा पुणो वि रयणी पच्छिमजामम्मि जागरंतेण। रज्जहिसेयदिणमुहे नरभणियं तं मए सरियं ॥२६७५।। जह एयं तव्वयणं निवइस्स अणिट्ठसूयगं नियमा। ता नेमित्तियवयणं मनिज्जइ नन्नहा होतं ॥२६७६।। जमणूपम्वा य कहिया जीवंती तेण तं पितह चेव । जइ पुण हो ही जम्हा अचिंतणिज्जो विहिविलासो।।२६७७।। तो कारवेमि सुद्धिं अणूपम्वाए इमं विचितेउं । उठेउं सयणाओ पभायकिच्चं करेऊण ॥२६७८।। जोइसिया आहूया ते पंचवि जेहिं वि गणियं लग्गं । पुव्वं अणूपम्बाए मए तो पुच्छिया एए ॥२६७९॥ वइयरमणूपम्वाए तहा जहा पुच्छिओ स नेमित्ती । तेहिं वि तहेव कहिया सा जीवंती सकम्मयरी ।।२६८०।। गणए विसज्जिऊणं तओ मए पेसिओ निओ पुरिसो। सिक्खवणं दाऊणं गामे धन्नउरनामम्मि ॥२६८१।। गंतूण तत्य अह सो सुद्धि लहिऊण कइवयदिणेहिं । पुणरवि इहा गओ तेण साहियं एरिसं मज्झ ॥२६८२।। धन्नउरगामसीमागयपहमज्झे रविम्मि अत्थमिए । हरिसउराओ जंती अणूपम्वा तत्थ संपत्ता ॥२६८३।। उत्तिन्ना सगडाओ कम्मयरीए समं गया य दूरयरे। काउं सरीरचितं पहवलणतिरोहियसरीरा ॥२६८४।। एत्थंतरे ननंदा सभाउ जाया समीवगामाओ । तम्मि पएसे पत्ता अणूपम्वा संतिए सगडे ॥२६८५।। चिट्ठइ पडिक्खमाणा खणमेगं जाव ताव आगंतुं । तत्थ बहलंधयारे चोराणं निवडिया धाडी ॥२६८६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |