Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 115

कुंतसीहायकहाणयं ने पुण मा भीसेउ सिरिहरिसनरिंदसतिए सुहडे । हक्कारिऊण केइ वि पट्टवइ नियम्मि आवासे ॥२६२१॥ ते वि ह नियपाएहि केइ वि वच्चंति कह वि किच्छेण । उप्पाडिया य अन्नेसु सुहासणेहिं रहेहिं च ।।२६२२।। सोहेउं रणभूमि गयजीवियस-परपक्खसुहडाणं । सिहिसक्कारं कारेइ कुंतसीहो तओ कुमरो ॥२६२३।। सिरिहरिसरायसेन्नं अमुणियपरसेन्नमकयसन्नाह । अन्नायभूमिभागं पविट्ठमइसकडम्मि तहा ।२६२४॥ सन्नद्धबद्धकवयं इयरं पुण परिचियम्मि भूभागे । निग्गमपवेसकुसलं तेसिमओ असरिसं जुज्झं ।।२६२५।। तण बहुयं पि सेन्नं सत्तूणं कुंत-सीहसेन्नेण । थेवेण वि सहसच्चिय हयमहियं सव्वओ विहियं ॥२६२६॥ समरुव्वरियं सव्वं हयगयरहनिवहमप्पणो चेव । गिन्हेइ कुंत-सीहो आउह गुडपक्खराइतहा ॥२६२७।। समरम्मि घाइयाणं सपक्ख-परपक्ख संतियाण तओ। कारावइ वणकम्मं जहोचियं सव्वसुहडाण ।।२६२८।। संगामपणठेहि सिरिहरिसनरेसरस्स गंतूण । भग्गनियसेन्नवत्ता कहिया अह सो सुणेऊण ॥२६२९।। संवहइ सयं राया सिरिहरिसो गरुयकोवदुपच्छो । जायंति बहु असउणा तहा वि सो न गणए किंचि ।।२६३०।। नयराउ नीहरंतस्स तस्स पवलो समुट्टिओ। पवणो सम्मुहो संछायंतो सेन्नं सव्वं पि धूलीए ॥२६३१॥ भग्गं च तेण छत्तं सिरिहरिसनिवस्स पाडियं चिधं । थक्कम्मि तओ वाए मंतीहि निवारिओ एसो॥२६३२।। जह अज्ज ताव चिट्ठउ पयाणयं पुण वि अन्नदियहम्मि । दायव्वं सुमुहत्ते पडिवन्नमिमं निवेणा वि ॥२६३३।। तत्तो नियत्तिऊणं पत्तो नियमंदिरम्मि सिरिहरिसो । संझाए आगंतुं मंती विन्नवइ सिरिहरिसं ॥२६३४॥ नरनाहं एगंते जह देव जया निवो हरिसपालो । तिब्वायंकण झड त्ति पढिओ परभवपहम्मि ।२६३५।। पढमे दिणस्स पहरे नीहारेऊण तं विभूईए । वाहिं नेउं सक्कारिऊण दिणचरिमजामम्मि ॥२६३६।। संपत्तो पासाए तुब्भेहि समं इमम्मि निवलोओ । गणए हक्कारेउं वड्डमणुस्साण पच्चक्खं ।।२६३७।। रज्जाहिं सेयहेउं तुम्ह निरिक्खावियं मए लग्गं । तेहिं बीयदिणे तं दिणद्धसमए समक्खायं ।।२६३८।। एवं तुम्हं पि समग्गमेव संजायमत्थि संविइयं । विन्नवणिज्जमहिणवं तुम्ह मए देव एत्ताहे ।।२६३९।। रयणीए नियगेहे गंतुं सुत्तुट्टिओ पभायम्मि । जाव अहं रज्जहिसेयकरणविछड्डमइगस्यं ॥२६४०।। चितेमि तुम्ह विसए नियहियए ताव आगओ को वि। मंजिट्टयपच्छायणपडपावरिओ नरो एक्को ।।२६४१।। बाहिं पाहरिएणं सो संलत्तो जहा तए एसो। वावारिउमारद्धो चिट्ठइ मंजिट्ठनवपडओ ।।२६४२।। परमेसो थेवं चियकालं सुंदरयरच्छवी होउं । जलसंगमम्मि जाए विस्सिही नूणमुवरितु ॥२६४३।। मूलिल्लभूमिगब्वियपवरा एयम्मि सुत्तवाडस्स । जं पुण कज्जं सोहाजणगं रंगो न सो बलवं ॥२६४४।। एवं निसामिऊणं वीमंसियमेरिसं मए तत्तो। जह किर कुमाररज्जाहिसचिता खणे एसो ॥२६४५।। कन्नम्मि निवडिओ मे आलावो बाहिर ट्ठियनराण । तम्हा इमस्स अट्ठो जो सो सिरिहरिसकुमरस्स ॥२६४६।। रज्जम्मि निवेसिज्ज तस्स निवेएइ भाविणं अटें । तो किं को वि भविस्सइ रिऊसमत्थो कुमारस्स ।।२६४७।। एवं सखणुसहियओ सणिज्जाओ अह समुछेउं । तुम्हं रज्जहिसेयस्सुवक्कमेवावडो जाओ ।।२६४८।। निव्वत्तियाहिसेए तुमम्पि निम्मिय विसज्जियावसरे । गंतूण गिहे भोत्तूण चरिमजामे दिणस्स मए ।।२६४९।। आगंतुयनेमित्ती निसुओ जो आसि अवितहा एसो। पुव्विल्लतइय दियहे सो गंतुमणो त्ति आहूओ ॥२६५०।। पुट्ठो वियणम्मि जहा सिरिहरिसमहानिवस्स रज्जम्मि। जावज्जीवमविग्घं सुहं च निउणं निरूवेहि ।।२६५१।। तो तेणुवउत्तेणं निरूविऊणं निवेइयमिणं मे । जह केत्तियं पि कालं सपयावो विस्सुओ होउं ॥२६५२।। सिरिसिरिहरिसनरिंदो मंदपयावो भविस्सए पच्छा । पाविस्सइ परपक्खाओ परिभवं गरुयगरुययरं ।।२६५३॥