Page Text
________________
८१
सिरिमुनिसुव्वयजिणिंदचरियं अह पुहइसीहपत्थिवमब्भत्थेऊण जाइ सो कुमरो । सयमेव सव्वधाडीसु लद्धविजओ तओ एइ ।।२५८८।। एवं कमेण जाओ सो पोढो साहणेण सेन्नेण । जाया तस्स पसिद्धी सव्वेसु नरिंदगेहेसु ।।२५८९।। एक्को वि पुहइसीहो दुग्गेज्झो आसि सव्वराईणं । किं पुण संपइ जुत्तो पुत्तेणं कुंतसीहेण ॥२५९०।। एवं सव्वत्थकहा कीरइ सव्वेहि सूरपूरिसेहिं । अह अन्नया गएणं धाडीए कुंतसीहेण ॥२५९१।। बत्तीसगइंदाणं हेडामत्ताण दूरमग्गम्मि । निसुया समावयंती सिरिहरिसमहानरिंदस्स ॥२५९२।। गंतूण तत्थ गहिया सा तेण विणासिऊण बहुलोयं । वणिजारयाण विहवो बहुचडिओ तस्स हत्थम्मि ।। तस्सेवयहयहेडा दिट्ठा मग्गम्मि तेण सा वि तहा। गहिया सविहवसारा अहागओ सो नियपुरम्मि ॥२५९४।। आरोहंताण गयाण पव्वए दुग्गमं मुणेऊण । पव्वयतलम्मि नयरं जं आसि चिरंतणं भट्ठ ॥२५९५।। तं तेण समुद्धरिउं पारद्धं तम्मि अह खणिज्जंते । पणहतरिकोडीओ पत्ताओ तेण कणयस्स ।।२५९६।। उग्गपरक्कमसम्माणदाणगुणरंजिओ जणोपायं । अन्न नरिंदेहितो तस्स समीवं समल्लियइ ॥२५९७।। सिरिहरिसनरिंदो विहु निययाओ हयगयाण हेडाओ। गहियाओ नाऊणं परिकुविओ कुंतसीहस्स ॥२५९८।। पेसेइ बलं विउलं हय-गय-रह-जोहसंजुयं पवरं । नियहेरियपासाओ निसुयं तं कुंतसीहेण ।।२५९९।। आगच्छंत पच्छा दोहिं विभागेहिं नियबलंकाउं। एगत्थ पुहइसीहो ठविओ बीयम्मि ठाइ सयं ॥२६००॥ गिरिवलयस्स पवेसे दोसु वि पक्खेसु ते पिया पुत्ता । दो वि ठिया गोवेउं अप्पाणं रुक्खगहणेसु ॥२६०१।। कम्मंतरं वहंतं तह चेव कयं तु जुन्ननयरम्मि । हयगयहेडाउ तहा मुक्का तत्थेव पयडाओ ।।२६०२॥ केत्तिय सेन्नजयाओ बाहि उदाविओ इमो सहो। जं दोवि पियापुत्ता कत्थइ धाडीए ते पगया ॥२६०३।। सिरिहरिसहेरिएहि दटुंतं तारिसं सुणेउं च । गंतुं सेणावइणो कहियं अह सो वि हिट्ठमणो ।।२६०४।। आगच्छइ सिग्घयरं हय-गयपंचउलगहणबुद्धीए। गिरिवलयस्स दुवारे संपत्तो पवेसिउं लग्गो ।।२६०५।। पुरओ होऊण बलं पहावियं केत्तियंपि नीसंकं । सुम्नं मुणिऊण पुरो करिमाईणं गहणहेउं ॥२६०६॥ अग्गाणीयं मुणिउं आगच्छंतरिऊण अइतुरियं । तं पि बलं संवहियं निवारियं नयरकम्मंतु ।।२६०७॥ पखरिऊणं तुरए गुडिऊणं गयवरे महामत्ते । सन्नहिऊणं जोहा रणुज्जया तक्खणे जाया ॥२६०८।।
ठूण परबलं नियडमागयं जुन्ननयरसेन्नेण । समुहेण उद्विऊणं विणिज्जियं तं खणखेण ॥२७०९।। पच्छिमबलस्स वत्तं जाव कहावेइ ताव तं रुद्धं । पविसंतं चिय दोहि वि पिइपुत्तेहि दुसु दिसासु ।।२६१०।। समकालमुक्कघणबाणधोरणी तोडियं खणद्धेण । सिरिहरिसरायसेन्नं अवि अक्कियलग्गबहुघायं ॥२६११॥ जायं परोपरुप्पेल्लणेकरसियं रसं तयं विरसं । पच्छाहुत्तपलायंतभूरिकायरनरसमूहं ॥२६१२॥ सम्मुहभिडंतसुहडुब्भडं च निवडंत हय-गयघडं च । कुंतासिभल्लसेल्लेहि सल्लियं चुल्लहिययं च ।।२६१३।। उल्लसिवतिसासुक्कतकंठमग्गंतनीरनरनिवहं । सुन्नासणभमिरतुरंगकुंजरं भग्गरहचक्कं ॥२६१४।। नासंतपउरपाइककचक्कथक्कतथेवनायकं । भणियं करुणाए कुंतसीहकुमरेण तो एवं ॥२६१५।। वच्चह सव्वे वि तुमे सट्ठाणे संपयं मए मुक्का । अंगेण केवलेणं सेसं पुण मुयह एत्थेव ॥२६१६।। सामंतंतवालेहि साहणाहिवइमंडलवईहिं । मयमुच्छ्यिनिवडियसेसएहितो जंपियं एवं ॥२६१७।। मुक्का वि तए अम्हे अंगेण वि केवलेण नो गंतुं । सक्कमो निठुरसरपहारसल्लंतसव्वंगा ॥२६१८।। इय जपमाणया वि हु मुच्छामउलंतलोयणा के वि। वाहणगया वि सहसा पडिउं लग्गा महियलम्मि ॥२६१९।। तो कुंतसीहकुमरो तक्खणमुपन्नगरुयकारुन्नो । वाणवरिसं मुयंतं नियसेन्नं वारए सव्वं ॥२:२०।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |