Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 112

७९
सिरिमुनिसुव्वजिणिदचरियं डोहलयपूरणत्थं तीसे तेणा वि भारियालच्छी। एगंते धरिऊणं भणिया जह बंदिणी एगा ॥२५२२।। अइ रूयवई दटुं परिणीया सा मए तुह परोक्खे । गुत्ता धरिया एगम्मि मंदिरे एत्तिए दियहे ।।२५२३।। इन्हि मुहकुहरविसंतसुमिणेण सूइओ तीसे । जाओ गब्भो तह डोहलो य पुव्वोइओ कहिओ ॥२५२४।। लच्छीए सेण तओ लच्छी तं भणइ सिग्घमाणेह । तं मह भइणि पासे मज्झ च्चिय एत्थ गेहम्मि ।।२५२५।। मह नत्थि नियमवच्चंतो मज्झ पुरो वि एरिसं चित्तं । आसि जह कंपि कन्नं परिणेउं तंभणामि अहं ।।२५२६।। एसो मणोरहो मह विणा वि अब्भत्थणाए संपन्नो । ता एत्थ मह पमोओ न उण विसाओ मणं पि मणे ।।२५२७।। पूरेहि डोहलं तो तीए तुमं आणिऊण नियगेहे । सोऊण पुहइसीहो इय तव्वयणं मणे तुट्ठो ॥२५२८।। पुत्वपरिकहियरूवं डोहलयं सो वि पूरए तीसे। अणुपमदेवीलच्छि आराहइ निययजणणि व ।।२५२९।। पेच्छइ लच्छी वि इमं निय धूयाए वि अहियपीईए। इय सा सुहेण कालं गमेइ तत्थट्ठिया निच्चं ।।२५३०।। पढम पि पुह्इसीहो परिणीया एयऽणुपपदेवीए । भणिओ जह धन्नउरे न कारियव्वा तए चोरी ।।२५३१।। गामम्मि तम्मि जम्हा जणओ मह वसइ सूरपालो त्ति । तं गामं सो पट्टइ पइवरिसं रायपासाओ ।।२५३२।। अणुपमदेवीवयणं तं पडिवन्नं तह त्ति तेणा वि । अह अन्नया य चरडो समागओ खत्तिओ तत्थ ।।२५३३।। बहुपरिवारसमेओ पडिवन्नं तेण पुहइसीहस्स । भिच्चत्तं वच्चंतो चोरीए तेण सो भणिओ ।।२५३४।। जह धन्नउरग्गामं मोत्तूणं से सगामनयरेसु । तुब्भेहि जहिच्छाए सया वि चोरी करेयव्वा ।।२५३५।। जम्हा सो बलवंतो खरसीसो सावलेवचित्तो य । मारइ परं सयं वा समरम्मि अहिट्ठिओ मरइ ।।२५३६।। ता किं नियपाणेहिं संसयमारोविएहिं कायव्वं । अन्ने वि य बहुगामा उचिया चोरीए चिट्ठति ।।२५३७।। इय अन्नव्वग्एसं काऊण निवारिया समग्गावि । अन्ने वि चोरवग्गा तेसि न कहिओ ससंबंधो ।।२५३८।। सो चरडो गामंतरधणं गहेउं पहम्मि वच्चंतो। परवाहराए चडिउं तुम्हेहिं विणासिओ पच्छा ।।२५३९।। तस्स सुएणं अमरिसभरिएणं पुहइसीहनरनाहो । विन्नत्तो जह जणओ मज्झ अविहिया वराहो वि ।।२५४०।। आगंतुमन्नगामा परोवरोहाउ सूरपालेण । निहओ अहं पि तो तं निसाए गंतुं हणिस्सामि ।।२५४१।। तो हक्किऊण सो पुहइसीहरन्ना निवारिओ एवं । गंतुं नियपाएहि तुम पि किं पडसि वग्धमुहे ।।२५४२।। जो परछट्टि जग्गइ। सो भुल्लइ कि नियाए छट्ठीए । जो परकज्जे जुज्झइ न जुज्झिही सो कह सकज्जे ।।२५४३।। जं वित्तं तुह पिउणो तुज्झ वि तं वच्चही न संदेहो। ता जइ अम्ह वि भणियं करेसि मा गच्छतो तत्थ।।२५४४।। इय पुहइसीहविणिवारिओ इमो नो गओ सयं तत्थ । तह वि तुह तेण छन्नो पट्टविओ घायगो एगो ।।२५४५।। तं पुहइसीहरन्ना नाऊणं वइयरं इमो पुणवि । हक्कारिऊण भणिओ बहुं विरूवं सकोवेण ।।२५४६।। तुज्झुवरि पुणो तुट्ठो राया जं घायगो तए मुक्को। गहिऊण वि जीवंतो विक्कमकरुणा गुणजुएण ।।२५४७।। तो रन्ना एगते अणुपमदेवीए सम्महं भणियं । जह तं अहिनाणज्यं पेसेउं के पि नियपुरिसं ।।२५४८।। वारेहि नियं जणयं अन्नग्गामस्स वाहराए जहा । सो न चडइ अन्नह पुण केणावि विणासियव्वोत्ति ॥२५४९।। अणुपमदेवीए तओ सिक्खविउं पेसिओ अहं एत्थ । तुज्झ समीवे एवं भणावियं मज्झ पासाओ ।।२५५०।। तुम्हेहि समं काउं माणुसगइरागई न इच्छामि । तुम्हे च्चयस्स रन्नो मा परियाणं इमं होउ ।।२५५१।। जह पुहइसीहराया जामाऊ होइ सूरपालस्स । अन्नट्ठ इय संबंधे नाए तुह कुप्पए राया ।।२५५२।। एवं विगप्पए सो जह संकेएण सूरपालस्स । मह मंडलम्मि चोरि कारेइ धुवं पुहइसीहो ॥२५५३।। संबंधपरिन्नाणाभावे पुण होइ का वि न हु संका। जइवि न होइ चोरी तुह गामे चेव एक्कम्मि ।।२५५४।।