Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 111

कुंतसीहायकहाणगं
1
तो अइ गरुयअणत्यो संजायइ चितिउं तओ एवं । सथमेव सममिमीए समागओ सामि अहमेत्थ ।। २४८९ ॥ मग्गे समावयंती इमा मए कोमलेहिं वयणेहिं । चित्ताउ भयं उत्तारिऊण वीसंभमाणीया ॥ २४९० ।। पिउ-माइ - गामनामाई पुच्छिया सव्वमेव तमिमीए । निव्वुयमणाए कहियं मज्झ तहा भोयणाइकयं ।। २४९१।। त्यागया वि एसा छन्ना धरिया मए नियगिहम्मि । इन्हि एगंते तुम्ह दंसिया कहियत्तता ॥ २४९२ ॥ तायं चि कारणमेत्थागमणम्मि मज्झ न हु अन्नं । ता देह पसायमिमं तस्सेव य भिच्चजुयलस्स ।। २४९३ ।। अह भइ पुहइसीहो गिन्ह पसायं इमं तुमं ताव । तेस दोन्हं पि अहं पसायमनं पयच्छिस्सं || २४९४॥ जम्हा तर विलब्भो गरुयपसाओ इमम्मि कज्जम्मि । जेण तए नियबुद्धिपउंजिया सुनिउणा एवं ।। २४९५ । भणिऊण सायं सो देइ पडिच्छए तयं इयरो । तत्तो भिच्च दुगस्स वि वियरइ वत्थाइयं उचियं । २४९६ ॥ दोनिवि विसज्जिऊ ते भिच्चे पासिऊण तं कन्नं । पुहईसीहो चितइ नियचित्ते विम्हयं पत्तो ।। २४९७।। पेच्छ अहो कह सोहइ नियत्य सामन्नवत्थजुयला वि । एसा कन्ना य संपुन्नससहरच्छायमुह सोहा || २४९८ ।। पलवल पहु कमलं मलिणं पि मंडलं ससिणो । सोहइ सहावसुहयाण भूसणं जं व तं वहवा ।। २४९९॥ इय चितिऊणं भणिओ हईसीहेण खेमरायभडो । भाया तुमं इमीए पेइयवासो तओ कज्जो ।। २५०० ।। तेण तहा पडिवन्ने तव्वयणे तो अणूपम्वं राया । रोमंचकंप सेएहि जाणिउं साणुरायमणं ।।२५०१।। संखेवेण भूसियपसाहियं कारिऊण तत्थेव । तं पच्छन्नं परिणइ कयहरिसो तक्खणे चेव || २५०२ ।। अह एगंते नेउं पच्छाइयमउयतूलिपल्लंके । गाढालिंगणचुंबणविहीहिं तं निब्भरं रमइ ।। २५०३।। छुहिन साहीणं पक्कफलं पाविडं सुरहिमहुरं । को सिग्धं पि न भुंजइ तिहुयणदेवी इमं सोउं ।। २५०४ ।। तुट्टा मम्मि पइवल्लहा सुया मायरं सुहावेइ । अह नेमित्तियरूवी सो पुरिसो साहइ पुरो वि ।। २५०५।। काउं पीइकहाओ अणूपम्बाए समं खणं पुहइसीहो । तत्तो निक्खभिऊणं सिक्खवए खेमरायभडं || २५०६ ।। विस अणूपवाए एवं एवं तए विहेयव्वं । इय तं सिक्खविऊणं तओ गओ सो नियावासे ।। २५०७ ।। हक्कारेउ भंडारियस्स आएसमेरिस देइ । जह खेमरायसुहडो परभूमि गंतुमइगरुयं ॥। २५०८ ।। कज्जं पसाहिऊणं अम्हाणं आगओ तओ तस्स । पेसेहि पसाएणं दीणाराणं दससहस्से ।। २५०९ ।। सकुडुंब सय जोगं सुंदरवत्थाण कोडियं एक्कं । मोत्तियहीरयलग्गं आहरणं कणयरयणमयं ।। २५१० ।। पडिवन्नासेणं तेण वि तं सव्वमेव तह विहियं । निवकयसंकेओ पुव्वमेव तं खेमराओ वि ।। २५११ ।। सव्वं अणूपवाए अप्पर निवपेसियं दविणमाई । कारइ पुढो निवासं तीए कए पूरइ वयं च २५१२ ।। अत्रेण वि केण विजेणकज्जमुप्पज्जए समग्गं पि । तं तीसे पच्छन्नं पट्टावर पुहइसीह निवो ।। २५१३ ।। अणुपदेवित्तिकयं तीसे नामं सयं नरिदेण । अनाया अन्नजणेण चिट्ठए सा नियगिम्मि ।। २५१४ ।। निच्च पि पुहइसीहो छन्नो तीसे गिहम्मि गंतूण । हसिउं रमिडं च खणं तीए सह एइ पुर्ण समिहे ।। २५१५।। अणुदेवी तह पुहइसीहराया परोप्परं दो वि । अइघणसिणेह वसओ गयं पि कालं न याति ॥२५१६।। अन्नम्म दिने तीए रिउन्हायाए निसाए सुमिणम्मि। सीहो गुंजारंतो तातो मत्तकरिजूहं ॥। १५१७।। नियमहकुहरे दिट्ठो पविसंतो जग्गियं तओ तीए । तप्पभिई वहइ इमा पुत्तं गभम्मि ओइनं ।। २५१८ ।। तइए मासम्मि डोहलओ तीए एरिसो जाओ । जइ कयनर-नेवच्छा कुंतं गहिऊण निहत्थे ॥२५१९।। आरुहिउं वरतुरए सन्नद्धसमग्गसेन्नपरियरिया । धारिज्जमाणछत्ता बंदियणेहिं पढतेहि ।। २५२० ।। पुरपायारस बहिं चउद्दिसि परिभमाभितो एसो । नियमणभावो कहिओ तीए पुरो पुहइसीहस्स ।। २५२१ ।।
।।
७८