Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 108

सिरिमुनिसुव्वयजिणिदचरियं
७५ पट्टविया बहुपुरिसा चउदिसि पंचजोयणे जाव । गामेसु य नगरेसु य सा तेहिं गवेसिया निउणं ॥२३९२।। वत्ता वि नोवलद्धा अणूपम्वा संतिया परंतेहि । तत्तो नियत्तिऊणं कहियं धन्नउरगामम्मि ॥२३९३॥ मोत्तूण तओ आसं अणूपम्वाए कुडंबलोएण । अक्कंदियं पभूयं बीए दिवसम्मि तो लेहं ॥२३९४।। अप्पे पट्टविओ पुरिसो पासम्मि सूरपालस्स । सो तस्स अद्धमग्गे एंतो गामम्मि तो मिलिओ ॥२३९५।। पुठेण तेण कहियं कुडुंबकुसलं मुहेण तस्स पुरो। लेहो न दंसिओ पुण तओ पुणो सूरपालेण ।।२३९६।। सो पुट्ठो केण तुमं कज्जेण समागओसि मह समुहो। तेण भणियं न केणइ विसेसकज्जेण एमेव ।।२३९७।। तुम्हाण सारकरणत्थमागओ दुग्गपालवयणेण । तेण सह सूरपालो पत्तो गामम्मि तो झत्ति ।।२३९८।। तत्थागओ सरूवं धूयाए जाणिऊण अइबहुयं । अक्कंदिउं पवत्तो निवारिओ कह वि किच्छेण ।।२३९९।। आगंतूण समग्गो गामजणो तस्स दुग्गपालाई । मिलिओ कालकमेणं तो जाओ सो विगयसोओ ॥२४००।। अन्न दिणे आगंतु केण वि चरडेण अन्नगामस्स । बाहिंधणं वरंतं हरियंतो पडियधुंबाए ॥२४०१।। तग्गामनायगेणं पुरिसो पासम्मि सूरपालस्स। संपेसिओ कहेउं सयं तु सहिओ बहु नरेहि ॥२४०२।। चोराणं पट्ठिए चलिओ मिलियो ताण तो जायं । तस्स सह तेहिं जुझं भग्गो घोएहितो वलिओ ॥२४०३।। तम्मि समयम्मि पत्तो संवहिउं सूरपालपट्टइलो। चरडेण तेण दिट्ठो तो भणिओ तो तेण कीस तुमं ।।२४०४।। कज्जेण विणा लग्गो पट्ठीए अम्ह तुज्झ गामस्स । केरडियं पिव इटुं न उढुवेमो कया वि जओ ॥२४०५।। ता जाहि नियत्तेउं परकज्जे मा विणस्सह मुहाए । इय सोऊण कुविएण सूरपालेण सो झत्ति ।।२४०६।। जुज्झउं पाहुणओ जमस्स संपेसिओ तओ सव्वं । वालेऊणं धणं तं समप्पियं तस्स गामस्स ।।२४०७।। तप्पभिइसूरपालं राउत्तं वाहरेइ सव्व जणो । मारिय चरडस्स सुएण पेसिओ घायगो तस्स ॥२४०८।। गामसमवायमज्झट्ठियस्स कझ्या वि सूरपालस्स । अवचित्तस्स पविट्ठो सो घाएउ छु रियहत्थो ।।२४०९।। दिट्ठो य सूरपालेण सो तओ मोडिऊण हत्थाओं । तस्स छुरियं गहेउं पुट्ठो तं केण पट्ठविओ ।।२४१०।। कहियं जहट्टियं तेण तस्स नीसारिउं तओ मुक्को । करुणाए तेण लोओ निवारिओ तस्स लग्गंतो ॥२४११।। राउत्तसूरपालो तप्पभिई सेवएहिं पुरिसेहि। रक्खिज्जइ जत्तेणं लहइ पवेसं न अन्नाओ ॥२४१२।। अह अन्नया अउव्वो पुरिसो एक्को समागओ तत्थ । सो एगंते वोत्तुं वंछइ सह सूरपालेण ॥२४१३॥ एगंतं पच्छंतो सो पुच्छिज्जइ समीवलोएण। को तं कत्तो किं वा जंपसि इय ताव साहेह ॥२४१४।। सो एवं चिय जंपइ एगते सव्वमेव साहिस्सं । राउत्तसूरपालस्स अग्गओ नेय अन्नस्स ॥२४१५।। एवं पयंपमाणे तम्मि विसेसेण संकए लोओ। एगंतं अलहंतो गामे अन्नम्मि सो गंतुं ॥२४१६।। मुंडाविऊण सीसं लिंगविसेसं च कं पि गहिऊण। एइ पुणो धनउरे गामे नेमित्तिओ होउं ॥२४१७।। जीवियमरणं लाहालाहाइ अहं मुणेमि सव्वंपि । एवं सो अप्पाणं पयासए गाममज्झम्मि ॥२४१८।। गामपुरिसेण केणइ पुढो जीविय-मणूपम्वा एसो। जंपइ तीसे जणओ जइ पुच्छइ तो कहेमि अहं ॥२४१९।। तणागंतुं एवं कहियं राउत्तसूरपालस्स। तेण वि भणिओ एसो लहु तं आणेह मह पासे ।।२४२०॥ तेणाणीओ हक्कारिऊण तो सूरपालपुरिसेहि । सो निउणं सोहेउं नीओ निय नायगसमीवे ।।२४२१॥ तेण वि ऊसारेउं सेसजणं सव्वमेव एगस्स। तस्सेव पुरो कहियं तुह धूया जीवए नूणं ॥२४२२॥ चिट्टइ गरुयसुहेणं तीए सह तुज्झ दसणं होही। इय कहिए सो जाओ हरिसाऊरिय-मणो झत्ति ।।२४२३॥ हपकारिऊण भज्जं तिहुयण-देविपि अप्पणो पासे । तो कहइ सूरपालो तीसे सव्वंपि तव्वयणं ॥२४२४॥