Page Text
________________
कुंतसीहरायकहाणयं
सोऊण सा वि तं तह हरिसिय-हियया खणेण संजाया। पुच्छइ पुरओ वि तओ पासे नेमित्तियस्सेवं ॥२४२५।। इन्हि चिट्ठइ सा कत्थ अम्ह धूया कहं कहं च तत्थ गया। पयडइ निय सब्भावं सो लिंगीतो पुरो तेसि ॥२४२६।। न हवामि अहं लिंगी न य नेमित्ती अणूपम्वाए इहं । नियवत्ता कहणत्थं पट्टविओ तुम्ह पासम्मि ।।२४२७।। सीहगिरि महलाए सीहउरं नाम अस्थिवरनयरं । अइविसमं मणसा वि हु अलंघणिज्जं विवक्खाणं ॥२४२८।। तत्थासि मेच्छराया बलवंतो दुद्दमो रिउभडाणं । सो पउरदेसरन्नो पुत्तेणं पुहइसीहेण ॥२४२९।। पिउणो रुसिऊणं निग्गएण बहुबुद्धिविक्कमजुएण । निहओ तं नयरं पुण अदिट्ठियं अप्पणा तेण ।।२४३०॥ सो तत्थढिओ अहिमाणसंजुओ कुणइ कस्स वि न सेवं । चउपक्खियराईणं देसे हणिऊण निव्वहइ ।।२३४१।। जं किपि देसमज्झे सारं दुपयं चउप्पयं अपयं । तं नेति तस्स सुहडा हरिऊणं नियबलछलेहि ।।२४३२।। अन्नम्मि दिणे दुगंतस्स पविट्ठ इमम्मि देसम्मि । तेण निया दो पुरिसा पट्ठविया हेरिया एत्थ ॥२४३३।। पोट्टियवसहारूढा समागया तुम्ह गामसीमाए । संझाए पहमज्झे अणूपम्वा तेहि सगडाओ ।।२४३४।। दिट्ठा समुत्तरंती तो तीए रूवदंसणाओ ते । जाया विम्हिहियया चितंति जहा इमं जुवई ॥२४३५॥ जइ नेउं अप्पमो अम्हे निय सामिणो तओ एसो। तुसिऊणं अम्हं बहुं पसायं पयच्छेइ ॥२४३६।। इय चितिऊण तीसे हरणे कयनिच्छया तओ एए। सबलीवद्दा थक्का निलुक्किउं एगठाणम्मि ।।२४३७।। ता जाव सा पलाणा पडियाए तत्थ चोरधाडीए । अच्चंतमंधयारे गहिया सा एगागिणी पच्छा ।।२४३८।। सा तेहिं कलाईए भणिया पोक्करसि जइ तुम इन्हि । तो छुरियाए इमाए तुह सीसं गिन्हइस्सामो ॥२४३९।। भीयाए तओ तीए न जंपियं किंपि तेहि तो एसा। आरोवेळ वसहे नीया डुंगाहिवसमीवे ॥२४४०॥ कहियं च जहा गहिया तं दट्ठसो वि हरिसिओ एयं । गहिऊणसयं चलिओ पुहईसीहस्य अप्पेउं ॥२४४१।। अपरिचियपुरिसगहिया कक्कसवयणेहि तह य भेसविया । उव्विग्गमणा वच्चइ अणूपम्वा मलिणमुहछाया ।। तो तेण डुंगवइणा सा भणिया खेमरायनामेण । मा काहिसि किपि तुमं अम्हाण भयं नियमणम्मि ॥२४४३।। तुह जीवियस्स तह देहलग्गवत्थाइवत्थुनिवहस्स । अम्हे न विणासयरा न य गिहिणी होसि हीणस्स ।।२४४४।। खत्तियकुलुब्भवो जो अम्हाण पहू जयम्मि विक्खाओ। नामेण पुहइसीहो सीहो व्व परक्कमगुणेण ॥२४४५॥ सीहगिरिमहलासंगविसमसीहउरनयरकयवासो । पच्चंतियराईणं अक्कमिऊणं ठिओ भूमि ॥२४४६।। रूवविणिज्जियमयणो दक्खिन्नपरो य गुणविसेसण्णू । पुव्वाभासी पियजंपओ य सरलो कयण्णू य ॥२४४७॥ कि बहूणा भणिएणं नीसेसगुणेहि निम्मिओ विहिणा । सो तुज्झ पई होही जस्सेग च्चिय पियालच्छी ॥२४४८।। तो अम्ह सामि भज्जा होसि तुम सेवणिज्जपयकमला । परमविणएण निच्चं नमंसणिज्जा स जणणिव्व।।२४४९।। तो पयडसु अप्पाणं तुमं पुरो अम्ह वीससेऊण । नियजणणिजणयगामाइयाण नामाइकहणेण ।।२४५०॥ तं खेमरायवयणं सोऊण विमुक्कसव्व संकाए । कहियं अणूपम्वाए जह पुटुं तस्स सव्वंपि ॥२४५१।। डुंगा हिवो वि सोउं अणूपम्वा वयणमप्पणो तुरयं । उत्तरिऊण समप्पइ तीसे सयमारुहइ वसहं ॥२४५२॥ समयम्मि भोयणं कारवेइ अइगोरवेणं तं एसो। तंबोलं दाऊणं पुणो वि मग्गे पुरो वहइ ।।२४५३।। सीहउरनयरसीमागओ वि चितेइ सो जहा एसो। छन्ना अप्पेयव्वा पुहईसीहस्स अम्हेहि ।।२४५४।। अम्हा सो दळूणं एवंविहरूवसंजुयं एयं । जायनवजोव्वणभरं करिस्सए अप्पणो भज्ज ।।२४५५।। तत्तो लच्छी भज्जा तस्स इमं पासिऊण ईसाए । असुहं उप्पाइस्सइ एईए अम्ह पहुणो य ॥२४५६।। सयमवि डज्झिस्सइ गुरुसवक्किदसणदुहेण सा वरई । इय चितिउं पओसे छन्नं तं ठवइ नियगेहे ॥२४५७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |