Page Text
________________
सिरिमुनिसुव्वयजिणिदचरियं
७१ कीरेहि तेहिं जह' सा तरुं चडती उवेक्खियावल्ली : जाया बंधणफलया कुमारइयराण वि तहेव ॥२२६१।। निग्गहमकुणंताणं पढममणत्थेक्कहेऊ वत्थुस्स । कीराण व परिणामो विणासहेऊ हवइ नूणं ।।२२६२।। जइ कहवि दिव्वजोएण कीरबुद्धीए ते समग्गा वि । छुट्टा कुमार! कीरा तो नेय गणिज्जए एयं ॥२२६३।। एयं तु कहाणयमेत्तियं चिय इहोवजुज्जए कहिउं । जत्तियमत्ते कीरा बद्धा पासेसु वाहेण ।।२२६४।। सेसं तु मए कहियं कोउयजणगं ति अग्गओ तुझं । कुमरेण तओ भणियं न अन्नहा मंति ! तुह वयणं ।।२२६५।। जह चेव तए भणियं तह चेव य चोज्ज कारयं एयं । एक्कं एत्थमणागं कहियं जं कस्स वि न नामं ।२२६६।। (तो) मंतिणा पणियं पढमं ऊसुयमणेण पारद्धं । आसि कहाणयमेयं मए कहेउं तओ कुमर ।।२२६७।। नामग्गहणं न कयं कस्स वि संबद्धयं इयाणि तु । जइ कोउयं तुह तओ कमि सव्वाइं नामाइं ॥२२६८।। कीरस्स कयं नामं वणंतरे तावसण पडुवयणो । कालोनाम बाहो नोदउरं नाम नयरं तु ॥२२६९।। राया सुनंदनामो जेट्ठसुओ तस्स चंदणो नाम। बीओ य नंदिवद्धणनामो तइओ सुनामो त्ति ॥२२७०॥ जयविजय नामया तुरिय पंचमा ताण भायरो जाया। विमलानई इमाइं कुमार जाणहि नामाइं ॥२२७१।।
॥ कीरकथानकं समाप्तं सो महइनिहाणमंतीकुमरणं अंबुविची मंतिस्स । नाम पुट्ठो साहइ वियारचउरो त्ति नामेण ॥२२७२।। एस मए दिळेंतो तुह परिकहिओ कुमार इन्हि तु । नियोकच्चे कुचित्तं मुंच पमायं पुण समग्गं ।।२२७३।। जह न मुणइ नरनाहो तह पच्छन्नं नियं नरं कपि । आइसिऊणं तीसे पहे वहतीए कत्थ वि य ॥२२७४।। लहिऊण अंतरं चोरधाडिनिवडणमिसेण कारहि । झत्ति विणासं जायइ पुरओ सव्वपि जह सुत्थं ।।२२७५।। पडिवज्जिऊण वयणं मंतिस्स तह त्ति तेण कुमरेणं । मंतिं विसज्जिऊणं निय पुरिसो पसिओत से ।।२२७६।। आवासे सुद्धिकए सो गंतूणं पुणो नियत्तेउं । साहइ कुमरस्स पुरो जह सा सझाए निक्खंता ॥२२७७।। नियगामस्साभिमुहं संवहिऊणं तओ पएसाओ । तं सोऊणं कुमरो मइमंतं अप्पणो पुरिसं ॥२२७८।। एगते सिक्खविउं दाऊणं तस्स पत्थियसहाए । मंति भणियाम्म कज्जे सिग्घं चिय तं निरूवेइ ॥२२७८।। सो पच्छिमरयणीए उठेउं नियसहायसंजुत्तो । धावइ दिसा नियंतो धन्नउरग्गाममग्गेण ॥२२८०॥ दिट्ठा दूराउ तओ सगडारूढा अणुपम्वा पुरओ। वच्चंती सन्नाया एगेण कुमारपुरि सेण ॥२२८१॥ नाऊण तेण कहिया कुमरनिउत्तस्स रामसीहस्स । तेण वि सोच्चिय कन्ने सिक्खविउ पसिओ पुरओ ।।२२८२।। पच्छाइयनियवयणो जह उवलक्खइ न कोइ तह गंतुं । एस निउणं निएउं मग्गनडत्थो पडिक्खेइ ।।२२८३।। ता जाव रामसीहो संपत्तो तत्थ तस्स तो कन्ने । होऊण कहइ एवं जह नूणमणूपम्वा एसा ॥२२८४॥ कम्मयरीए सहिया सगडारूढा धुम्मि उवविट्ठो । तीए च्चिय कम्मयरो पुरओ चत्तारि पाइक्का ॥२२८५।। आउहसहिया अन्ने पुण चउरो हरिसपालदेवेण । नियअंगरक्खमज्झाउ पेसिया सो हडाईया ।।२२८६॥ सोऊण रामसीहो तव्वयणं नियमणम्मि चितेइ । हरिसउरस्सासन्ने कए विणासम्मि नियमेण ।।२२८७।। राया जाणइ तत्तो गवेसमाणो वियाणए अम्हे । धन्नउरगामनियडे तम्हा एवं विहेयव्वं ॥२२८८।। इय चितिऊण सो पुण बालपसाओ निरूविओ तेण । एक्केक्क कंडवाय व्व वहाण ठिएण पट्ठीए ।।२२८९॥ तीसे दियहम्मि तए गंतव्वं जामिणीए पासम्मि । वसियव्वमलक्खेणं अम्हे पुण गाउयंतरिया ।।२२९०।। तुज्झ वि पट्ठीए ठिया समावयंता पहे भविस्सामो। भोयणसमयम्मि पडिक्खिउं तए अम्ह मिलियव्वं ।।२२९१।। संझाए अम्हे वि हु नियडा होऊण तुह वसिस्सामो। इय रामसीहसिक्खं गहिकृण अणुट्ठए सो वि ।।२२९२।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |