________________
ऐन्द्रवृन्दनतं नत्वा, वीरं तत्त्वार्थदेशिनम् । अर्थः श्री ज्ञानसारस्थ, लिखिते लोकभाषया ।।
(१) पूर्णाष्टकम्
ऐन्द्रश्रीसुखमग्नेन, लीलालग्नमिवाजिलम् । सच्चिदानन्दपूर्णेन, पूर्णं जगदवेक्ष्यते ।।१।। पूर्णता या परोपाधेः, सा याचितकमण्डनम् । या तु स्वाभाविकी सैव, जात्यरत्नविभानिभा ।।२।। अवास्तवी विकल्पैः स्यात्, पूर्णताऽब्धेरिवोर्मिभिः । पूर्णानन्दस्तु भगवांस्तिमितोदधिसन्निभः ।।३।। जागर्ति ज्ञानदृष्टिश्चेत्, तृष्णाकृष्णाहिजाङ्गुली । पूर्णानन्दस्य तत् किं स्याद्, दैन्यवृश्चिकवेदना ।।४।। पूर्यन्ते येन कृपणास्तदुपेक्षैव पूर्णता । पूर्णानन्दसुधास्निग्धा, दृष्टिरेषा मनीषिणाम् ।।५।। अपूर्णः पूर्णतामेति, पूर्यमाणस्तु हीयते । पूर्णानन्दस्वभावोऽयं, जगदद्भुतदायकः ।।६।। परस्वत्वकृतोन्माथा, भूनाथा न्यूनतेक्षिणः । स्वस्वत्वसुखपूर्णस्य, न्यूनता न हरेरपि ।।७।। कृष्णे पक्षे परिक्षीणे, शुक्ले च समुदञ्चति ।। द्योतन्ते सकलाध्यक्षाः, पूर्णानन्दविधोः कलाः ।।८।।
'नसार अष्ट' - भूण यो
143
Jain Education International
For Private & Personal Use Only
www.jainelibrary.org
