________________
૧૨ ]
[પ્રબુદ્ધ રૌહિણેય નાટક (ભાવાનુવાદ) સફળ થશે ! આજે તો મારી પ્રાણેશ્વરી-તું ઇચ્છશે તે જ થશે. ચાલ, આપણે પુષ્પો ચૂંટીએ. તું આમ જા, હું આ દિશામાં જાઉં. આપણે એક હોડ કરીશું? આપણા બેમાંથી કોણ ઓછા સમયમાં વધુ પુષ્પો ચૂંટી લાવશે અને આ કેલીગૃહમાં પ્રથમ પ્રવેશ કરશે.
એની હોડ ! બોલ, માન્ય છે ? તો ચાલ, કર પ્રારંભ... (બન્ને સ્પર્ધા નિર્ધારીને ભિન્ન ભિન્ન દિશામાં જાય છે યુવતી ધીમે ધીમે
એકતાને બનીને પુષ્પો ચૂંટી રહી છે.) રૌહિણેય :
(ગાન) (કોમલ કરકમલો કુસુમ-કળીઓ ચૂંટે મન્દ સમીરે પ્રેર્યો પાલવ, બન્ધનમાંથી છૂટે... સ્તન-પર્વત તવ ઉઘડયા સહસા, પીન, તુંગ ને કામ-સદન-શા લાવણ્યાંકિત તસ જળહળતો–ઘેરાવો કર-મૂળ ભેદતો
કામુક જનની દૃષ્ટિ પડે તો આહ હૃદયથી ઊઠે... મેઘભર્યા આકાશ વાદળ, કાંઇક હટતાં આગળ-પાછળ તવ ઉઘડે ચમકત ચાંદની, ચન્દ્ર થયો જિમ ત્યાં તો જળહળ
આ છબીલીના સ્તનતટથી તિમ તેજ અનેરાં ફૂટે
કોમલ કરકમલો કુસુમ-કળીઓ ચૂંટે) (૨૬) પણ શબર, એક વાત તારા ધ્યાનમાં આવી કે? આ યુવતી કાંઈ આની પરિણીતા નથી લાગતી; આ તો કોઈ શ્રીમંત પરિવારની સ્વૈરિણી સ્ત્રી લાગે છે. આ બેની વાતો પરથી મેં આ નિશ્ચય કર્યો છે. પણ જવા દે એ વાત. એ ગમે તે હોય, મારે શી ચિન્તા ? ઊલટું, આવા વિચારો તો ક્યારેક ધાર્યું કાર્ય કરવામાં બાધારૂપ બની રહે. ચાલ, હું નીકળું અને આને અપહરી જઉં. (યુવતીની દિશામાં ચાર પાંચ ડગલાં જાય છે, અને એકાએક ત્વરાપૂર્વક પાછો ફરે છે. શબરને ઉદ્દેશીને) શબર ! હજી આનો પ્રેમી આટલામાં જ છે. તેના દેખતાં આનું અપહરણ કરીશ તો આ જોગમાયા પોકારો પાડ્યા વિના નહિ રહે, અને તો પછી મારા માટે પલાયન કરવાનું તો ઠીક, પણ જીવતાં રહેવાનું પણ ભારે
Jain Education International
For Private & Personal Use Only
www.jainelibrary.org
