Page Text
________________
॥अर्हम्॥
॥श्रीकुन्थुनाथाय नमः॥ ॥कलिकालसर्वज्ञश्रीहेमचन्द्राचार्यविनिर्मितं त्रिषष्टिशलाकापुरुषचरितम् ॥
॥श्रीकुन्थुनाथ-अरनाथादिचरितप्रतिबद्धं षष्ठं पर्व ।।
॥प्रथम: सर्गः।। ॥श्रीकुन्थुनाथचरितम्॥
जयन्ति जयिनः कुन्थुस्वामिनो देशनागिरः । महामोहदृषद्भेदसरित्पूरसहोदरा: ॥१॥ त्रैलोक्यस्वामिन: कुन्थोश्चरित्रं वच्मि पावनम् । संसाराम्भोधिमथने मन्थानाचलसन्निभम् ॥२॥ अस्यैव जम्बूद्वीपस्य प्राग्विदेहेषु सुन्दरे । आवर्तनाम्नि विजये कृतस्वर्विजये श्रिया ॥३॥ महापुर्यां खड्गिनाम्न्यां नि:सीमगुणभाजनम् । सीमा धर्मधुरीणानां राजा सिंहावहोऽभवत् ।।४॥ आधार इव धर्मस्य कुठार इव पाप्मनः । न्यायस्य कुलवेश्मेव सुधियां जन्मभूरिव ॥५।। तस्य मन्त्रो मन इव दुर्लक्षो विदुषामपि। शक्रस्येव प्रभुत्वं चोत्साहश्चाऽभूद्धरेरिव॥६।। अनुल्लङ्घितमर्याद: समुद्र इव स स्वयम् । मर्यादायां जगदपि धारयामास शक्तिमान् ॥७॥ कृष्टिमन्त्र इव श्रीणां भेदमन्त्र इव द्विषाम् । रक्षामन्त्र इवाऽवन्यास्तस्य रेजे धनुर्ध्वनिः ॥८॥ धर्मायैव शशासोर्वी न पुनविणाय सः । सर्वदा धर्मनिष्ठानां फलं तद्ध्यानुषङ्गिकम् ॥९॥ अनासक्त्योपभुञ्जानो भोगान् योगीव भोजनम् । कञ्चिदप्यतिचक्राम कालं तत्त्वविदग्रणीः ॥१०॥ वेलामब्धिरिवाऽन्येधुर्वैराग्यमधिकं दधन् । संवराचार्यपादान्ते गत्वा दीक्षां स आददे ॥११।। व्रतं प्रपालयस्तीव्रमर्हदाराधनादिभिः । स्थानकैरर्जयामास तीर्थकृन्नामकर्म सः ॥१२॥ से मृत्वा कालयोगेन समदृष्टिः समाहितः। देवो विमाने सर्वार्थसिद्धनामन्यजायत॥१३॥ पाइतश्च जम्बूद्वीपस्य द्वीपस्याऽत्रैव भारते । क्षेत्रेऽस्ति हास्तिनपुरमिति ख्यातं महापुरम् ॥१४॥ तत्र चैत्येषु विशेदपताकाव्यपदेशत: । नित्यं प्रमुदितो धर्म इव नृत्यति निर्भरम् ॥१५॥ तद्गृहेष्वभितो रत्नबद्धप्राङ्गणभूमिषु । नामाऽप्यभूत् कर्दमस्य केवलं येक्षकर्दमे ॥१६॥ तद्वप्रे रत्नघटिते स्वैरेव प्रतिबिम्बितैः । परे बुद्ध्या गन्धेभा दन्तघातान् वितन्वते ॥१७॥ नृपौकस्सु जनौकस्सु गोपुरेष्वपरत्र च । तत्सर्वमार्हतैर्बिम्बैर्व्याप्तं व्योम ग्रहैरिव ॥१८॥ तेजसाऽभिनव: शूरः शूरो नाम महीपतिः । बभूव तस्मिन्नलकापुर्यामिव धनेश्वरः ।।१९।। १. जयशीलस्य ॥२. महामोह एव दृषत्-पाषाणस्तस्य भेदे नदीपूरसमानाः ॥ ३. पवित्रम् ।। ४. मन्थनाचलस० मु. । मन्दराचलसदृशम् ॥५. कृत: स्वर्गस्य जयो येन तस्मिन् ॥ ६. श्रियः खंता, ।। ७. ०स धियां खंता. ॥ ८. मन्त्रशक्तिः ॥ ९. प्रभुत्वशक्तिः ॥ १०. उत्साहशक्तिः ॥ ११. कृष्णस्य इव ।। १२. अनुल्लवितमर्यादसमुद्र इव ला. पा. ॥१३. वशीकरणमन्त्रः ।। १४. द्रविणम् ।।१५.अवान्तरफलम् ।। १६. अनाशक्त्योप० ला. पा. छा. हे. ॥१७. किश्चिद० मु.प्रभृतिषु, पाता. वा.१-२॥१८. व्रतं स पालयं० हे.,व्रतं च पालयं० ला. छा. ।। १९. विपद्य हे. ॥२०. सम्यग्दृष्टि: मु. खंता. ॥ २१. उज्ज्वलपताकाव्याजात् ॥२२. “कर्पूरागरु-कक्कोल-कस्तूरी-चन्दनद्रवैः। स्याद् यक्षकर्दमों"(अभि.चिं.तृ.का.श्लो.६३८-६३९)॥२३.अन्यगजशङ्कया । २४. ०रेष्वपरेषु छा. पा. ॥ २५. सूर्यरूप इत्यर्थः ॥ २६. कुबेरः।
Jain Education International
For Private & Personal Use Only
www.jainelibrary.org
| SR No. | 001457 |
| Book Title | Trishashtishalakapurushcharitammahakavyam Parva 5 6 7 |
| Original Sutra Author | Hemchandracharya |
| Author | Ramnikvijay Gani |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2001 |
| Total Pages | 338 |
| Language | Sanskrit |
| Classification | Book_Devnagari & Story |
| File Size | 9 MB |