Page Text
________________
चतुर्दशः सर्गः
१७१ तादृक्स्फूर्तिमाहात्म्याभावात्स्वस्यैवाऽद्वैतत्वेनैकावनीपालत्वम् । (५) तेन प्रकारेण कृपाधिक्यम् । (६) ज्ञात्वा । (७) चमत्कारमाश्चर्यम् । (८) सूरिम् । (९) श्लाघते स्म । (१०) नृपतिः ॥१०॥
कृपालुतां वः किमहो ! महीयसी-मुत स्तुवे स्वाचरणप्रवीणताम् । “पयोदवत्कि तु परोपकारितां, निरूपकं वा भवतां शुचेः पथः ॥११॥
(१) दयावत्ताम् । (२) युष्माकम् । (३) अहो इति सम्बोधने । सूरयः ! । (४) अतिमहताम् । (५) अथवा । (६) प्रशंसामि । (७) निजाचार( र )शिक्षावत्ताम् । (८) मेघा इव। (९) परेषां जगज्जन्तूनामुपकारकर्तृत्वम् । (१०) कथयितारम् । (११) पवित्रस्य । (१२) मार्गस्य ॥११॥
'जगत्यसाधारणता व्यतर्कि 'वः, क्षणादनेनाऽऽचरणेन शासने । सुधाभुजां भूमिरुहीव कामित-प्रदातृभावेन मुमुक्षुपुङ्गवाः ॥१२॥
(१) अस्मिन्विश्वे । (२) सर्वेभ्योऽपि दर्शनमार्गेभ्योऽद्वैतता । (३) विचारिता । (४) युष्माकम् । (५) स्वल्पेनाऽपि कालेन । (६) सर्वजन्तुपालनलक्षणेन । (७) जैनदर्शने । (८)कल्पवृक्षे। (९) वाञ्छितदायकत्वम्( त्वेन) । (१०) सूरयः ॥१२॥
'कथीपकस्याऽऽस्तरणं ततः कर-द्वयेन दरीकतवान्स्वयं नृपः । 'मुनीन्द्रसङ्गादिव पा[मात्मनः, प्रभुः पुनाति स्म पुनः स तां क्षितिम् ॥१३॥
(१) 'कथीपा' इति नाम्नां वस्त्रविशेषाणां तत्राऽऽच्छादनम् । (२) प्रभुकृपालुताया ज्ञानानन्तरम् । (३) स्वपाणियुग्मेन । (४) उत्सार्य पश्चात्कृत्य( तः) । (५) तत्राऽन्यसेवकाभावादात्मनैव । (६) सूरिसङ्गात् । (७) दुरितम् । (८) स्वकीयम् । (९) तत्पश्चात्करणात्पुनः । (१०) सूरिरपि । (११) आस्तरणरहिताम् । (१२) भूमीम् ॥१३॥
'धरेशधामाधरिताद्रिसूदनो-पदीकृतास्थामिव चित्रशालिकाम् । विभूषयांचक्रतुरुर्वरावरा-नगाररात्रीरमणौ क्रमेण तौ ॥१४॥
(१) अकब्बरेण स्वपराक्रमेण विजितेन शक्रेण ढौकिता स्वस्य सौधर्मा सभामिव । (२) अकब्बरसूरीन्द्रौ ॥१४॥
अवग्रहं प्राप्य महीहिमत्विषो, 'निषेदुषस्तत्र 'यतिक्षितिक्षितः । जलालदीनोऽपि पुरोऽभजद्भुवं, सुहस्तिनः सम्प्रतिभूगभस्तिवत् ॥१५॥
(१) अनुज्ञाम्-भूपादेशम् । (२) नृपस्य । (३) उपविष्टस्य । (४) चित्रशालायाम् । (५) सूरीन्द्रस्य । (६) मुद्गलकुलप्रसिद्ध नामेदम् । (७) उपविष्टवान् । (८) आर्यसुहस्तिसूरेः । (९) सम्प्रतिनामभूपः ॥१५॥
Jain Education International
For Private & Personal Use Only
www.jainelibrary.org
| SR No. | 001449 |
| Book Title | Hirsundaramahakavyam Part 2 |
| Original Sutra Author | Devvimal Gani |
| Author | Ratnakirtivijay |
| Publisher | Jain Granth Prakashan Samiti |
| Publication Year | 2005 |
| Total Pages | 426 |
| Language | Prakrit, Sanskrit |
| Classification | Book_Devnagari, Literature, & Biography |
| File Size | 22 MB |