________________
६६
सिरिअणंतजिणचरियं कइया वि चंदमाला सुहसुविणयसूईयं सुयं देवी । पसवइ सव्वोत्तमरायलक्खणं कियमहापुन्नं ॥ ८१५ ॥ तो असरिसवद्धावणयकरणपुव्वं पइट्ठियं नाम । पुत्तस्स चंदकित्ति त्ति राइणा रंजियमणेण ॥ ८१६ ॥ परिवद्धिओ पवत्तो बालो बालढुमो व्व निरवाओ । पढणत्थमुवज्झायस्स अप्पिओ वच्छरे छठे ॥ ८१७ ॥ अहिगयकलाकलावो नवजोवणजणियजुवइसंतावो । परिणाविओ निवेणं नवजोवणरायकन्नाओ ॥ ८१८ ॥ ताहं सह विसयसोक्खं माणइ अब्भसइ अहिगयकलाओ । सेवइ य सया वि हु उभयकालमवि जणयमत्थाणे ॥ ८१९ ॥ एत्थंतरे घणगज्जियराओ उम्मत्तओ गयघडाओ व्व । पसरंति मेहमालाओ गयणगब्भम्मि विज्जु व्व ॥ ८२० ॥ उभिदिय घणडंबरमंबरओ पडइ ससिकरतरो व्व । खीरोयपीयपाऊसजलभरासारपसरो व्व ॥ ८२१ ॥ आसवइ सग्गउसग्गिवग्गसंगहि अमयवुट्ठि व्व । परिविलसइ जयगब्भे फलिहसलायाकलावो व्व ॥ ८२२ ॥ दिसि दिसि निसिउपुच्छलियविक्कप्पसरेण पायडिज्जंतो ।
अहिणवघणघणनिवडिरजलधारासारसंघाओ ॥ ८२३ ॥ कुलयं ॥ पसरियसिंदूरारुणविज्जुप्फुरियप्पहारुणं गयणं । आभाई पइक्खणजायमाणसंज्झाणुरायं व ॥ ८२४ ॥ फुल्लियपंडुरदुल्लीवेल्लिप्पच्छाइयावईओ जहिं ।। मोत्तियमिस्सियमरगयपायारा इव विरायंति ॥ ८२५ ॥ कमलविसाहारम्मि हरिए मेहेण पवसिया हंसा । आहारविरहियाणं कत्तो वासो सदेसम्मि ? ॥ ८२६ ॥ सह सरियासलिलेहिं पउत्थवईयाण वित्थओ विरहो । जम्मिं जाईहिं समं अविउत्तपियाओ वियसंति ॥ ८२७ ॥
Jain Education International
For Private & Personal Use Only
www.jainelibrary.org
