________________
६४
गुरुणा वि हु वागरिओ पढमं दसहा वि समणवग्गो सो । पंचाणुव्वयप हो धम्मो सड्ढाण य दुछक्को ॥ ७८९ ॥ मूलं दंसणमेसिं कहियं तह निंदियं नरयदुक्खं । तिरियगईए चिय दुहाई दंसियाई अणेगाई ।। ७९० ।। मणुयगईए वि कट्ठ उवइट्टं पाणिणं असुहकयाणं । देवगईए वि पयडियं दुहं ईसा विसायाई ॥ ७९९ ।। इय असुहेक्कनिवासो पयासिओ चउव्विहो वि भववासो । उब्भाविया य अक्खयसुहरिद्धिसासयासिद्धी ॥ ७९२ ॥ तं तिव्वतवेणऽज्जिय थोवदिणेहिं पि पसमिणो भव्वा । उवभुंजंति सुहं सइ अणन्नतुल्लं ति वागरियं ॥ ७९३ ॥ तं सोउं विरत्तमंतचारुचारित्तपरिणई परमो ।
सिरिअणंतजिणचरियं
नमिय गुरुं जंपर पहु ! गिहिस्सामो कयं तुम्हं ॥ ७९४ || नवरं कुमरं रज्जे ठवेमि इय भग्यि पणयगुरुचरणो । पत्तो परिवारजुओ पासायवडिंसए राया ॥ ७९५ ।। काऊण भोयणं मणिसीहासणं तइय भूवई भाइ । कुमरं जणपच्चक्खं वच्छालंकरसु रज्जं ति ॥ ७९६ ॥ तो कुमरमुहं पिउवयणसवणसोएण झत्ति सामलियं । पुन्निमससिमंडलमिव तिरोहियं राहुबिंबेण ॥ ७९७ ॥ भणिओ कुमरेण पिया पायमुवलग्गिउं सदी गिरं । किं ताय ! मं अणाहं दीणं व करेसि इहि पि ॥ ७९८ ॥
रायाह खयरचक्कित्तपयपइट्ठो तुमं चिय जयस्स । नाहो ता कह जंपसि मा मं मुंचसु अणाहं ति ॥ ७९९ ॥
सव्वुत्तमनिवलक्खणलंछियदुद्धरिसनियसरीरेण ।
संतावय सत्तूणं दीणया कहसु कहं तुज्झं ॥ ८०० ॥
तुह रज्जसिरी संजमसिरी पुणो जाय ! जुज्जए मज्झ । कज्जं कज्जं तं तेण जं अवत्थोच्चियं जस्स ॥ ८०१ ॥
Jain Education International
For Private & Personal Use Only
www.jainelibrary.org
