________________
गिहिधम्मे चंदसेणकहा
इय निसुयनियसुयहो दूरं राया वि दुक्खिओ जाओ । सुयणो परवसणम्मि वि होइ दुही किं न तणयस्स ? || ७७६ ॥ जंपइ सुयं पुत्तय ! दुक्खं पाविय तए सुहं पत्तं । तवचरणं काऊणं भव्वो भुंजइ सिवसुहं पि ॥ ७७७ ॥
बहुआ वि आवया जायं तुज्झ पभविंसु नेव थेवं पि । घणघणनिग्घायो किं कुणंति राई धिइवज्जस्स ॥ ७७८ ॥ सव्वाहिं वि पुत्तरिउस्सिरीहिं समलंकिओ तमागंतुं निसिसमयनहपहो इव परिविलसिरभूरिताराहिं ।। ७७९ ।। इय सुयं पिउप्पसंसो लज्जोणयवयणपंकओ कुमरो । जंप तायपसाओ तुज्झ इमो नेह मह सत्ती ॥ ७८० ॥ तुज्झ पया खणं वि अमए जिओ दुज्जओ वि ताय ! रिऊ । रविसंगप्फुरियं तं जं कुमरो हरइ घणतिमिरं ॥ ७८१ ।। इय पुत्तविणयवयणाइं निसुणिउं निवइणा नहयरिंदा । भणिया कुमरनिरक्खणभमिरभडे झत्ति वालेह || ७८२ | ता नहयरेहिं विज्जं पेसिय सव्वे वि वालिया सुहडा । दिन्नावासेसु गया य नहयरा रायआणाए ॥ ७८३ || कुमरो वि निवासेणं पत्तो नियए वि वासपासाए । संज्झा दुगे वि खयरेहि संगओ कुणए पिउसेवं ॥ ७८४ ॥ अवरम्मि वासरे रायवाडियाचलियराइणा दिट्ठो । सिरिमयणमहणसूरी कुसुमामोयाभिहुज्जाणे ॥ ७८५ ॥ आयरियं अचित्तो वि हु अंगीकयसुमणपत्तसंदोहो । सरलप्पयई सययं विरायए जो अरुक्खो वि ॥ ७८६ ॥ चत्तनिवालंकारो सहाए पविसिय सपरियणो राया । तिपयाहिणापुरस्सरमभिवंदइ सूरिणो चलणे ॥ ७८७ ॥ पत्तगुरुधम्मलाहो भत्तिवसुल्लसियनयनजुयवाहो । उवविट्ठो गुरुपुरओ सकुमरखेयरपरीवारो ॥ ७८८ ॥
Jain Education International
For Private & Personal Use Only
६३
www.jainelibrary.org
