________________
सिरिअणंतजिणचरियं आणंदं जणयंतो जो सयसामंत-मंतिकयसेवो । सो वियरइ भूरिभयं भडधडसिरसेणिमज्झगओ ॥ ७६३ ॥ अविरलरयणालंकियमंगजंगमस्स आसि कमणीयं । तं बीभच्छं विहियं सरुहिरबाणवणगणेण ॥ ७६४ ॥ जो महुरकिन्नरीकंठलट्ठमायण्णमणाण गिज्जतो । रोइज्जइ सो सकरुणमियपरियणकयपलावेहिं ॥ ७६५ ॥ जच्चन्भुयसिरिठाणं गुणरयणालंकियं विहेऊण । हणिरस्स पुरिसरयणं धिद्धि हयविहिविलासस्स ॥ ७६६ ॥ इय जंपिरं कुमारं सोउं मंडलिय-मंति-सामंता । खेयरचक्कप्पमुहा धुणियसिरा बिंति एवं ति ॥ ७६७ ॥ कुमरेणुत्तं एसो उत्तरसेणीपहू खयरचक्की ।। ता पूयापुव्वमिमस्स देह चंदणचियाजलणं ॥ ७६८ ॥ इय जंपिऊण कुमरो पणओ मुसुरयनिवक्कमंबुरुहं । तेणुत्तं गंतूणं गिण्हामो वच्छ ! रिउरज्जं ॥ ७६९ ॥ एवं ति कुमरभणिए खेयरचक्की समग्गबलकलिओ । सिरिगयणवल्लहपुरे पत्तो रिद्धिप्पबंधेण ॥ ७७० ॥ तत्तो रायपुरिसा य मणिमए मंडवम्मि गंतूण । अहिसित्तो रिउरज्जे कुमरो मणिमउडसमुरेण ॥ ७७१ ॥ सिरिकरणव्वयकरणट्ठाणाइसुं ठाविउं निउइगणं । परिवित्तिं काऊणं ठावियदेसेसु निवइणो ॥ ७७२ ॥ दिवसदुगेण सुत्थयमुप्पाएऊण तस्स रज्जस्स । मिलिया विसमणुपत्ता रहनेउरचक्कवालपुरे ॥ ७७३ ॥ ससुरंगो पावेउं गहियं पिउ उभयसेणिरज्जजुओ । रयणविमाणगणेणं इह पंचमवासरे पत्तो ॥ ७७४ ॥ ता पहु ! कुमराएसाहरणागमणंतरालवुत्तंतो । तुह सुयतणओ कहिओ त्ति भणिय सो मोणमल्लीणो ॥ ७७५ ॥
Jain Education International
For Private & Personal Use Only
www.jainelibrary.org
