________________
सिरिअणंतजिणचरियं तो दुन्नि वि सेणाउरएण मिलियाओ मुक्कबाणाओ । पुव्वावरवाएणं घणमालाओ व सवरिसाओ ॥ ७१२ ॥ एत्थंतरम्मि गयणंगणम्मि कोऊहलुक्कलियकलिया । नाणाजाणारूढा पत्ता अमरासुरा झत्ति ॥ ७१३ ॥ लग्गम्मि अग्गिमबले जुज्झेयं अदयसत्थघाएहिं । तो दंडाहिवईहिं जुज्झारयणा समारद्धा ॥ ७१४ ॥ करि-तुरय-हत्थिएहिं रुद्धा करि-तुरय-रहवरारूढा । . साउहसुहडेहिं पुणो खलिया सरिसाउहा सुहडा ॥ ७१५ ॥ झुझंति मच्छरुच्छाहसाहसुल्लासतणुतुलियदेहा । (सुहडा आयड्ढि)यकोदंडं मुक्कनाराया ॥ ७१६ ॥ अदयासिप्पहरेहिं दढत्ति निवडंति सुहडसीसाइं । भिंदिज्जति करिणो तिव्वतरं तेहिं कुंतेहिं ॥ ७१७ ।। मुसुमूरिज्जंति रहा सहस त्ति पडंति सत्तिपहरेण । वाहिं निति भडे तुरया असितोडयंति खुरा वि ॥ ७१८ ॥ करिहरितरछेउंछलियसहिरसरियाए वाहवीभच्छे । भडभंडमुंडमंडलदुस्संचारे रणखेत्ते ॥ ७१९ ।। अभिट्ठा पहु ! तुह तणयनयणवेगाभिहा गयारूढा । सियछत्तालंकरिया रमणीधुवंतचमरचया ॥ ७२० ॥ पुव्वं ता खेयर-चारणेहिं जय जय थुईहिं सव्वत्तो । वज्जत ढक्कबुक्का तं च कप्पमुहआउज्जा | ७२१ ॥ जुझंति दो वि गयदंतदंडसंघट्टउट्ठियग्गिकणे । उड्डावंता खज्जोयपव्वसरपत्तपवणेहिं ॥ ७२२ ॥ हण हण त्ति भणिरा हंकारहुंकारकायभत्ता सा ।। अवरावरतिव्वतरग्गसत्थविसारं विमुंचंति ॥ ७२३ ॥ तो दो वि सुवन्नमहत्थविसरसंकप्पिया सुकव्वेहिं । कुव्वंति महाकइणो व्व सव्वसउणाण संतोसं ॥ ७२४ ॥
Jain Education International
For Private & Personal Use Only
www.jainelibrary.org
