________________
गिहिधम्मे चंदसेणकहा
५७
दावियपयाणढक्कानिनायपडिसद्दबहिरियदियंतो । जा संचलिओ जायाइं दुन्निमित्ताई ता तस्स ॥ ६९९ ॥ धवलहर-अमरमंदिर-पुत्तलियामुक्कअंसुविसरेण ।। निवडइ निरब्भवुट्ठि व्व सव्वनयरे निवपयाणे ॥ ७०० ॥ सुगुणसलायाहारो भग्गो छत्तस्स सम्मुहपवणेण । दंडो उवदंसंतो तस्स राइणो वंसभंगं व ॥ ७०१ ॥ तत्तो सुवन्नकलसं सियं पि पडियं दंडत्तिछत्तं से । इय गुणमेवं पडिही तुह गोत्तमिमं व पयडतं ॥ ७०२ ॥ जाया रयस्सलाओ विच्छायाओ दिसाओ सव्वाओ । दंसंति व्व निवइणो वियंभियं भावि सोयस्स ॥ ७०३ ॥ कहइ व्व निरब्भनहा निवडिओ पज्जलंतविज्जुभरो । एवं चिय चियजलणो जलिही नरनाह ! तुह मरणे ॥ ७०४ ॥ आबद्धमंडलीया मंडलया गुरुसरेणं रोयंति । एवं तुह सयणा वि हु अक्कंदिस्संति भणिर व्व ॥ ७०५ ॥ दछृणमेरिसं दुन्निमित्तविंदेहिं एहिं मंतीहिं । न वलइ वारिज्जंतो विकालकलिओ व्व खयरवई ॥ ७०६ ॥ तं विहिय निच्छयं पेच्छिऊण समराय एत्थ संपत्ता । अम्हे कहणत्थं तुम्ह झत्ति ता कुणह जं जुत्तं ॥ ७०७ ॥ सोउं वरविन्नत्तिं रोसरयारत्तनेत्तसयवत्तो । सन्नज्झह त्ति आणवइ मंडलीयाइणो राया ॥ ७०८ ॥ तो ते कयसन्नाहा पक्खरियतुरंगमागुडियकरिणो । उब्भडभडरहजुत्ता पत्ता खयराहिरायपुरो ॥ ७०९ ॥ एत्थंतरम्मि पहु ! तुह सुएण पणमिओ नयरनरिंदो । आयरपुव्वं अब्भत्थिओ बहुं समरगमणत्थं ॥ ७१० ॥ वारंतस्स वि रन्नो हठेण चउरंगबलनरावरिओ । कुमरो विणिग्गओ नरवई वि कुमराणुमग्गेण ॥ ७११ ॥
Jain Education International
For Private & Personal Use Only
www.jainelibrary.org
