________________
५९
गिहिधम्मे चंदसेणकहा तह पोढवाइणो विव बहुसत्थवियारणज्जियजसोहा । जुज्झेउं पारद्धा असरिसविज्जापहरणेहिं ॥ ७२५ ॥ तथाहि - मुक्कं रिउणा कुमरस्स मंतमुच्चरियतामसं बाणं । तो सामसघणरयणि व्व पसरए तिमिररिंछोली ॥ ७२६ ॥ पारद्धियस्स पावं व अयसपसरो व्व विहिय अनयस्स । सव्वत्तो वित्थरिडं तिमिरभरो तक्खणच्चेव ॥ ७२७ ॥ गयघडविमुक्कफुक्कारसिक्करासारजलकणा तिमिरो । रेहति वि फुरंता तारयनियर व्व गयणम्मि ॥ ७२८ ॥ धवलाण वि कसिणतं जायं छत्ताण तिमिरसंगेण । अहवा खलमिलणे होइ सज्जणाणं पि कालुस्सं ॥ ७२९ ॥ विहडंति रहंगा घुग्घुयंति घूया भमंति वेयाला ।। फेक्कारंति सिवाओ वियंभिए भूरितिमिरम्मि ॥ ७३० ॥ दठूण तिमिरसमरं सूरत्थं सरियमुयइ कुमरो वि । तो परियडंति पउरा सूरा पलए व्व समरनहे ॥ ७३१ ॥ सव्वंपि तिमिरपडलं विणासियं भूरिसूरकिरणेहिं । सुद्धब्भवसाएहिं वित्थरियं मोहजालं व ॥ ७३२ ॥ हरिए तिमिररिउणा पम्मुक्कं पव्वयस्थममरिसओ । दीसंति परिब्भमिरा गिरिणो गयणे सपक्ख व्व ॥ ७३३ ॥ गेरुयसिहरा सामा मुंचंता भूरिनिज्झरणनीरं । नजति नहे गिरिणो तडिजुयवरिसनवघण व्व ॥ ७३४ ॥ निवडंतसेलसंचयचुण्णिज्जंते चलम्मि चतुरंगे । मुक्कं कुमरेण पविप्पहरणमुग्गिरियअग्गिकणं ॥ ७३५ ॥ निवडइ निठुरतरघायपहयपव्वयसमुब्भवो चुन्नो । गयणाओ असिवसंभूयगा महीपंसुवुट्ठि व्व ॥ ७३६ ॥
Jain Education International
For Private & Personal Use Only
www.jainelibrary.org
