________________
गिहिधम्मे चंदसेणकहा एवं सद्धम्माणुगयभावणुब्भूयभूरिपुन्नस्स । निरवज्जअप्पसावज्जभोज्जमवि भुंजमाणस्स ॥ ६४७ ॥ नवनिग्गयनिज्झरनीरमापियं तस्स पूयरयरहियं । अकुणंतस्स य रागद्दोसे सह सव्वसत्तेहिं ॥ ६४८ ॥ इय वदि॒तस्स एवं पवंगस्स कालो बहुवइक्कंतो । सपियस्स वि कइया वि हु संपत्तो आउयस्संतो ॥ ६४९ ॥ आलोयणा-वयुच्चरण-खामणाणसणकरणकिच्चो । जिण-सिद्ध-सूरि-उज्झाय-साहुसुमरणविसुद्धमणो ॥ ६५० ॥ अरिहंत-सिद्ध-साहुस्सुयकयसरणो कलत्तकलिओ सो । मरिण समुप्पन्नो सहसारेऽणंततेयसुरो ॥ ६५१ ॥ पवंगी वि तस्स मित्तो जाओ बहुतेयनामगो देवो । दोन्नि वि हु च्छतं दिति पेच्छयच्छीण तेएण || ६५२ ॥ दठूण अमरलोयं रयणविमाणं च फुरियमणिकिरणं । अवहीए अवलोयंति दो वि एवंगुब्भवं जम्मं ॥ ६५३ ॥ सुमरंति य खवगमुणिप्पसायसंजायदेसविरईए । संपत्तं अमरत्तं अट्ठमकप्पम्मि सक्कसमं ॥ ६५४ ॥ नियइ विमलओहिनाणोवलंभसंजायखवगबहुमाणा । काउं सिद्धप्पडिमाण पूयणं नियविमाणम्मि ॥ ६५५ ॥ सूरिपयालंकरिओ खवगं नाऊण जंति वेयड्ढे । पेच्छंति वेजयंती पुरीए परिवारजुत्तं तं ॥ ६५६ ॥ तो भत्तिनिब्भरंगा तं वंदिय बिंति पहुपसाएण । तिरियाण वि अम्हाणं जाया एसा अमररिद्धी || ६५७ ॥ ता निक्कारणबंधवपरोवयारेक्ककरणनिम्मायं । सासयसिवसुहदायगकेवलसिरिकुलहरं होज्ज ॥ ६५८ ॥ ता चलह रयणसेले पडिबोहो जत्थ अम्ह संजाओ । कायव्वो तत्थ जहा जिणालयं रयणरमणीयं ॥ ६५९ ॥
Jain Education International
For Private & Personal Use Only
www.jainelibrary.org
