________________
सिरिअणंतजिणचरियं एत्थंतरम्मि सो दुमपरपरादिन्नभद्दसीमाहिं । अणुरायमाणेवुत्तो कलो वि हु वानरो तत्थ ॥ ६०८ ॥ तं दळु तेण वि चिंतियं इमं एस को वि हु महप्पा । निच्चं पि वियसियच्छी पेच्छंतो उग्गए तरणिं ॥ ६०९ ॥ जलणजालादुस्सहलूयानिलडज्झिरंगजट्ठी वि । तरलइ निद्धच्छायं पि नीरन्हाणस्स का वत्ता ॥ ६१० ॥ अम्हेहिं निदाहुब्भवं संतावं सिसिरनीरण्हाया वि । बहलढुमगुम्मगया वि न तरामो सहिउं मणागं पि ॥ ६११ ॥ एसो हु पावपयई सीहो एयं पि मारिडं महइ । निवडइ उवेहउ वि हु नरए नेगो वि पावकरो ॥ ६१२ ॥ जायाण अवस्सभावी मच्चू पच्छा वि ता मरेयव्वं । तं जइ परोवयारे जायइ ता किं न पज्जतं ॥ ६१३ ॥ देहो असासओ च्चिय परोवयारज्जिओ जसो हु थिरो । ता अप्पं पि हणाविय हरिणो रक्खेमि एय मुणिं ॥ ६१४ ॥ मारिज्जंतम्मि अपरिचिए वि सुयणस्स वड्ढए करुणा । किं पुण बहुदिणपरिचयपरम्मि एयम्मि कट्ठसहे ॥ ६१५ ॥ इय चिंतिऊण साहामएण तणगणियनियसरीरेण । मुणिपासपरिब्भमिरो नहरेहिं वियारीओ सीहो ॥ ६१६ ॥ तन्नहरवियारियवियडकडितडो तम्मुहो हरी चलिओ । साहामओ वि उच्छलिय नियडसाहिं समारूढो ॥ ६१७ ॥ मुणिसमुहं चलमानं सीहं उत्तरिय दारइ पुणो वि । चलिरे हरिम्मि सिग्धं पि तरुसिरे चडइ सो गंतुं ॥ ६१८ ॥ तो वानरीए दटुं पियजुझं तीए निययभासाए । वाहिरियाई मिलियाई भूरिवानरमिहुणगाइं ॥ ६१९ ॥ नियजाइपक्खवाएण तेहिं सव्वेहिं वेढिउं सीहो । चमढेउं पारद्धो खरनहरवियारणपरेहिं ॥ ६२० ॥
Jain Education International
For Private & Personal Use Only
www.jainelibrary.org
