________________
गिहिधम्मे चंदसेणकहा
एयम्मि पव्वयम्मि बहलद्दुममंडमंडलीकलिए । आसी वानरजुयलं कालमुहं कयअवज्जं व ॥ ५९५ ॥ परिपक्कफलमंजरिपरमाणुविणम्मियं व पिंगंगं । संकंतचावलं पिव पवणुद्धयवणदलोहाओ ।। ५९६ ॥ साहाओ साहासुं दुमाओ नियडद्दुमेसु झंपाहि । परियडइ पक्कफलभक्खणत्थमच्चतवेगेण ।। ५९७ ।। अह अन्नया य आयावणत्थमुप्पइय नहयलेणेगो । चारणमुणी महप्पा संपत्तो एय गिरिसिहरे ॥ ५९८ ॥ सुहसीलवयकलिओ जाजीवं बंभचेरधारी वि । अजडासुओ वि बहुसंखसुत्तिउप्पत्तिविक्खाओ ॥ ५९९ ॥ काउस्सग्गम्मि ठिओ आकुंचियजंघठवियबीयपओ । पायद्दुगचंकमणे बहुजीववहे त्ति कलिउं व ॥ ६०० ॥ रविबिंबनिवेसियदिट्ठिवसमुप्पन्नतिवलिलाभेण ।
कहइ व्व नाण- दंसण - चरणाइं सदेहवासीणी ॥ ६०१ || मेरु व्व निप्पकंपो सज्झाणं जाव ज्झायइ महप्पा खेयरमुणी तिणीकयइहभवियसुहो सिवसुहत्थी ।। ६०२ ॥ ता सहसा गुंजारुणयनयणुच्छलियप्पहापरिप्फुरणा । रुहिरं व उव्वसंतो करिहणणाकंठपरिपीयं ॥ ६०३ ॥
उद्धूलकेसरसटाच्छडाकडारुल्लसंतकंती ।
नियदेह अमायंतं बहिखिवंतो व्व तेयभरं ॥ ६०४ ||
करिकुंभवियारणलग्गचरणवित्तासगलिरमुत्ताहिं । भूसणमिव वियरंतो लीलाए पराए राउ व्व ॥ ६०५ ॥ अइघोर - घुरुहुररेवपरिपूरियगुरुयगिरिमुहाविवरो । मुणिदारणामणमागओ उछुहियहरणिंदो || ६०६ ॥
पव्वयसुरप्पभावा अंतरंतोवग्गहम्मि पविसेडं । परियडइ न उ वाहिं पयाहिणं तो सुसद्दो व्व ॥ ६०७ ||
Jain Education International
For Private & Personal Use Only
४९
www.jainelibrary.org
