________________
७४६
सिरिअणंतजिणचरियं
बीओ देवकुमारो कुमारपालो तइज्ज (महामइम) ।। लहूओ उ जसकुमारो सज्जणिराणीओ तणयाओ ॥ ९५८८ ॥ आमिणि पदमी नामा भज्जाओ कवड्डिपुंडरीयाण । पढमस्स तिन्नि तणया पदुमकुमारो त्ति तप्पढमो || ९५८९ ॥ बीओ माइकुमारो सामिकुमारो तइज्जओ तेसिं । सीलुयनामा पुत्ती संजाया पुंडरीयस्स ॥ ९५९० ॥ देवकुमारस्स पिया जसमइनामा समुत्थि तीए सुया । जइतलदेवी नामा पासकुमारो य पुत्तो ति ॥ ९५९१ ॥ भज्जा कुमारपालस्स जयसिरी जयसिरि व्व सीलस्स । तह जाया संजाया जयदेवी जसकुमारस्स ॥ ९५९२ ॥ सिरि कवड्डिसेट्ठिणा तह देवकुमाराइएहिं भत्तीए । भणिएहिं विणयपुव्वं अणंतजिणचरियकरणत्थं ॥ ९५९३ ॥ तो अम्मएवमुणिवइविणेयसिरिनेमिचंदसूरीहिं । अब्भुदयंकररइयं चरियमिणं अणंतजिणरन्नो ॥ ९५९४ ॥ संसोहियं च ससमयपरसमयन्नूहिं विउसतिलएहिं । जसदेवसूरिमुणिवइसमंतभद्दाभिहाणेहिं ॥ ९५९५ ॥ पढमायरसे लिहियं मेहकुमाराभिहाण विउसेण । तह पुत्थयम्मि गुज्जरवंसुब्भवचंदुएणमिमं ॥ ९५९६ ॥ रसचंदसूरसंखेवरिसे विक्कमनिवाओ वड्ढंते । वइसाहसामबारसि तिहीए वारम्मि सोमस्स ॥ ९५९७ ॥ रिक्क्खम्मि पुव्वभद्दवयनामगे इंदजोगजुत्तम्मि । पालते रज्जसिरिं कुमारपाले महीनाहे ॥ ९५९८ ॥ सिरिवद्धमाणपुरट्ठिय विसिट्ठवरणगवसहि पारंभा । धवलक्कयम्मि देवयघरम्मि वरिसेण निप्फन्नं ॥ ९५९९ ॥ पहु पासपसाएणं तह सूरिक्कमाणुभावेण । अंबासन्नेज्झेणयकयमेयमणंतजिणचरियं ॥ ९६०० ॥
Jain Education International
For Private & Personal Use Only
www.jainelibrary.org
