________________
७४५
ग्रंथकारपसत्थि जो सव्वदेवसेट्ठी संजाया तस्स सुंदरी भज्जा । जसणागसड्ढयाभिहपुत्ता तीसे समुप्पन्ना || ९५७५ ॥ जे पुण जेउय नामो तस्स सिरी भारिया नयनिहाणं । नंदिकुमारो संभीयपुत्तया (तीसे) णीइपरा || ९५७६ ।। नेमिकुमारो ईहंगसद्धिं आलोचियं कुमारेण । रिसहजिणबिंबजुत्तं कारवियं जिणहरं तत्थ ॥ ९५७७ ॥ नामेण जसोदेवी (नेमिकुमारस्स) सेट्ठिणो भज्जा । (पउमसिरि) देवी अभयसिरी वि य सुया दोन्नि ॥ ९५७८ ॥ सीलसमलंकियंगी धणस्सिरी नाम तस्स बीयपिया । (महुरस्सरा) उदारा परोवयारे पसत्तमणा ॥ ९५७९ ॥ (तीए समुत्थि) पुत्तो नयवंतो देवपूयणासत्तो । नामेण उसहदत्तो सेट्ठी निच्चं पि गुरुभत्तो ॥ ९५८० ॥ जिणबिंबजुयाओ जेण देवउलियाओ रिसहभवणम्मि । कारावियाओ तह लेहियाइं सुमहत्थपोत्थाई ॥ ९५८१ ॥ भइणीओ संति चत्तारि तस्स पढमाए जेईया नाम । बीया सिवदेवी विमलसीलकलहंसगुरुसरसी ॥ ९५८२ ॥ तईया जिणदेवी वीयरायगुरुचरणकमलवणभमरी । दक्खिन्नविणयजुत्ता चउत्थीया रुप्पिणी नाम ॥ ९५८३ ॥ जायाओ विणीयाओ जायाओ वीरसेट्ठिणो दुन्नि । विमलसिरी देवसिरी नामाओ गुणभिरामाओ ॥ ९५८४ ॥ निरवच्चा विमलसिरी देवसिरीए सुयदुगं जायं । पढमो (कवड्डि) पुत्तो (पिई-) भत्तो जिणगुरूणं च || ९५८५ ॥ बीओ य पुंडरीओ विन्नाण वियक्खणो नयनिहाणं । देवमई नामेणं भइणी तेसिं सुधम्ममई ॥ ९५८६ ॥ सिरिउसहसेट्ठिभज्जा अइहवदेवी विणीय विणयनया । चत्तारि सुया तीए पढमो तेसिं सिरिकुमारो ॥ ९५८७ ॥
Jain Education International
For Private & Personal Use Only
www.jainelibrary.org
