________________
७३७
पयावसुंदरनिवकहा अणेगहासमाहूओ परं नेवागओ तुमं । गहित्ता पोसहं अज्ज एत्थ पत्तं तमिक्खउं ॥ ९४७२ ॥ चालेलं माणसं तुज्झ विहियं विड्डरं मए । तिव्वग्गिडज्झमाणो वि मणागमवि नो तुमं ॥ ९४७३ ॥ सम्मत्ताओऽचलो जाओ वाउ चालंति किं गिरिं ? । निच्चलं चेव तं तुज्झ जमिदेण पसंसियं ॥ ९४७४ ॥ ताहं गच्छामि सट्ठाणं दाउं तुह मणोमयं । देवाणं दंसणं भद्द ! अमोहं जायए जओ ॥ ९४७५ ॥ ता जायसु जमिठं ति दुल्लहं पि हु संपयं । सो जंपए महाभाव ! वीयराओ पहू मए || ९४७६ ॥ पत्तो गुरू वि निग्गंथो ता मग्गेमि न किंचि वि । एवं वुत्तो सुरो तस्स काऊणं गुणसंथवं ॥ ९४७७ ॥ पणामपुव्वमद्दिस्सो होउं पत्तो सुरालए । सीलसारो वि चिंतेउं खणं सुरवियंभियं ॥ ९४७८ ॥ काउसग्गे ठिओ पच्छा जाओ जा अरुणोदओ । तओ नमो अरहंताणं भणित्ता पारिडं तयं ॥ ९४७९ ॥ राईयं च पडिक्कंतो संपत्तो गुरुसंनिहिं । पोसहं पारिउं काउं पच्चक्खाणं जहामयं ॥ ९४८० ॥ गुरुण साहए रत्तिवुत्तंतं सो सुरब्भवं । पसंसिओ तओ तेहिं संपत्तो मंदिरे निए ॥ ९४८१ ॥ एवं धम्मप्पवत्तस्स तस्स वच्चंति वासरा । अन्नयनो उ मायस्स पत्तं पज्जंतमत्तणो ॥ ९४८२ ॥ कयंताराहणो सम्म पत्तो कप्पम्मि अच्चुए । संजाओ भासुरो देवो बावीससायरजीविओ ॥ ९४८३ ॥ तत्तो चुओ विदेहम्मि निच्चो होउं कयव्वओ । पाविही सासयं सोक्खं मोक्खं विक्खेवविवज्जियं ॥ ९४८४ ॥
Jain Education International
For Private & Personal Use Only
www.jainelibrary.org
