________________
७३६
सिरिअणंतजिणचरियं
एवं पयंपिओ लग्गो धम्मज्झाणो पुणो वि सो । तणं पि मन्नए नेव जावदावुच्छवेयणं ॥ ९४५९ ॥ ताव नो पेच्छए अग्गि न धूमं नेव खेयरं । न भूरंधं न वायं च न जालोलिं सरीरगं ॥ ९४६० ॥ केवलं भासुरच्छायं तणुतेयविराईयं । किरीडहारकेऊरकुंडलेहिमलंकियं ॥ ९४६१ ॥ भालपुडमहीवळं न चिरं सुरमिक्खए । जंपए उठ्ठिओ देवो सिरे काउं करंजलिं ॥ ९४६२ ॥ धन्नो तुमं महासत्त जस्स ते निच्चलं मणं । सव्वया सुद्धसम्मत्ते मोक्खसोक्खेक्ककारणे ॥ ९४६३ ॥ खामेयव्वं तए सव्वं जं तुहुप्पाईयं दुहं । मए असद्दहंतेण सुररायपसंसणं ॥ ९४६४ ॥ पुच्छए सीलसारो तं को तुमं किं पसंसणं ? । अमरो जंपए से मे आयन्नसु कहेमि ते ॥ ९४६५ ॥ कप्पे सोहम्मनामम्मि सुरकोडिनयक्कमो । पुन्नप्पयरिसावासो सक्को अत्थाणसंठिओ ॥ ९४६६ ॥ सव्ववावारनिउत्तेहिं सुरेहिं सह संकहं । काऊणं विम्हया तेण धुणियं निययं सिरं ॥ ९४६७ ॥ जंपियं च जहा सीलसारो सम्मत्तमुत्तमं । पालए न तदा नूणं को वि अन्नो नरो जए ॥ ९४६८ ॥ सइंदेहिं पि देविहिं वालेउं ने व तीरए । सम्मत्ताओ महासत्तो पाणच्चाए वि सव्वहा ॥ ९४६९ ॥ एवं सक्कं पसंसंतमसत्तोहं निसामिउं । चालणत्थं समायाओ तुज्झ पावेक्कभायणं ॥ ९४७० ॥ मए विउव्विओ बुद्धो कया भूरिप्पभावणा । पत्तो तस्स समीवम्मि सव्वो रायाईओ जणो ॥ ९४७१ ॥
Jain Education International
For Private & Personal Use Only
www.jainelibrary.org
