________________
७३२
दठ्ठे अच्चुब्भुयं तस्स माहप्पं सयलो जणो । गओ नमित्तु तस्संते संदेहे पुच्छए निए || ९४०८ ॥ नहं सुरविमाणेहिं महिरायबलेहि य । आगच्छंतेहिं जंतेहिं छाइज्जइ पइक्खणं ॥ ९४०९ ॥ सोउं तस्सेरिसिं रिद्धिं सीलसारं नियं गओ । धम्मसारो पयंपेइ पेच्छ बुद्धप्पभावणं ॥ ९४१० ॥ ता गंतुं तस्समीवम्मि पुच्छामो धम्ममुत्तमं । तेणुत्तमा अजुत्तं तं महाभाग ! पयंपसु ॥ ९४११ ॥ जेणुत्तो जिणधम्माओ धम्मो अत्थि न कत्थइ । तत्तो देवो जिणिंदाओ निग्गंथाओ य तो गुरू ।। ९४९२ ॥ एएणं पाविएणं भो किन्न जं पावियं तए । किमिदयालनिट्ठम्मि धेड्ढबुद्धम्मि रज्जसे ॥ ९४१३ || तं सोउं जंपियं तेण मित्त ! मे गुरुकोऊयं । ता जामो एक्कगं वारं गच्छिस्सामो पुणो वि नो ।। ९४१४ ॥ सीलसारेण संलत्तमजुत्तं तस्स दंसणं । दूसए सुद्धसम्मत्तं तेणागच्छामि नो अहं ॥ ९४१५ ॥ कुतित्थसेवणं मित्त ! काउं जुत्तं न तुज्झ वि । तत्थ गंतूण धम्मस्स मा पयच्छ जलंजलिं ॥ ९४९६ ॥
तहा धम्मो वि बुद्धाणमिहलोयसुहावहे ।
धरिज्जए सुहेणप्पा जेण गोसे वि भुज्जए || ९४१७ || जओ
मणुन्नं भोयणं भुच्चा मणुन्नं सयणासणं । मणुन्नंसि अगारंसि मणुन्नं ज्झायए मुणी ॥ ९४९८ ॥ जत्थ एवंविहं सोक्खं मोक्खो तत्थ कुओ भवे ? | कट्ठाणुट्ठाणसाहीणो जं से तो सो खओ कहं ।। ९४१९ ॥
-
सिरिअणंतजिणचरियं
Jain Education International
For Private & Personal Use Only
www.jainelibrary.org
