________________
७३३
पयावसुंदरनिवकहा जइ सोक्खेण निव्वाणं हुतं ता किं जिणाइणो । अकरिंसु तवं तिव्वं सदेहनिरवेक्खयं ॥ ९४२० ॥ ताण एवं सो निसिद्धो वि गुरुकम्माणुभावओ । तहा भव्वत्तभावेण संपत्तो बुद्धसंनिहिं ॥ ९४२१ ॥ दटुं बुद्धमुणिं सेट्ठी नमित्ता पायपंकयं । सोउं पच्चक्खसोक्खस्स कारणिं तस्स देसणं ॥ ९४२२ ॥ हेउदिळंतजुत्तीहिं भाविओ तम्मओ ठिओ । मोक्खरुक्खफलप्पायं सम्मत्तं परिवज्जए ॥ ९४२३ ॥ मोत्तूण वीयरायाणं पव्वन्नो बुद्धसासणं । किं वा पन्नं पि कल्लाणमजोग्गा हारयति नो || ९४२४ ॥ पुणो वि तेणं गंतूण सीलसारो पयंपिओ । मित्त ! एसुत्तमो धम्मो सव्वया सुहकारणं ॥ ९४२५ ॥ ता काऊण पसायं मे समागच्छसु संपयं । गओ न बुद्धपासे सो तेणाहूओ वि सायरं ॥ ९४२६ ॥ एवं पालेइ सम्मत्तं अईयारविवज्जियं । अन्नया धम्मवंतस्स तस्स पत्ता चउद्दसी ॥ ९४२७ ॥ धोयपुत्तिं नियंसेउं कंठन्हाणपुरस्सरं । काउं सव्वजिणिंदाणं इयमट्ठप्पयारयं ॥ ९४२८ ॥ गुरूण देइ गंतूण वंदणं बारसावयं । पच्चक्खित्ता अब्मतठं पोसहं पडिवज्जए ॥ ९४२९ ॥ सोउं सिद्धंतवक्खाणं रोमं विज्जंतगत्तओ । कुव्वंतो सार धम्मं च वासरं अइवाहए ॥ ९४३० ॥ गुरुक्कमे नमेऊण पत्तो उज्जाणसन्निहिं । ता पक्खियं पडिक्कंतो पओसे दोसवज्जियं ॥ ९४३१ ॥ दुक्कम्मनिज्जराकज्जे उस्सग्गे ठाइ जाव सो । ता जाओ गुरुनिग्घाओ फुट्टा तस्सातुरो मही || ९४३२ ॥
Jain Education International
For Private & Personal Use Only
www.jainelibrary.org
