________________
४६
सिरिअणंतजिणचरियं
निवडिय कुमरो देहप्पहारओ सिंधुसलिलमुच्छलिओ । कोवेण खयरखेडं आयड्ढेउं पिव हढेण ।। ५५६ ॥ बुड्डेडं उच्छलिओ जलाओ खयराहमं निएउं व । तो तं अदिट्ठपारं भुयाहिं तरिउं समारद्धो ॥ ५५७ ॥ जा कित्तियं पि सलिलं तरमाणो सो गओ समुदस्स । ता मच्छएण गुरुणा गिलिओ वयणं विआरेउं ॥ ५५८ ॥ अवलोइऊण तं मच्छएण गिलिउं पहरिसिओ खयरो । राहुगिलियम्मि सूरे हरिसिज्जइ किन्न घूयगणो ? || ५५९ ॥ तो सो खयराहिवई वलिऊण समागओ निए नयरे ।। सट्ठाणमणुसरिज्जइ किन्नो सिद्धे सकज्जम्मि ? ॥ ५६० ॥ कुमरं गिलिऊण तओ सो मच्छओ रिउं रयणसेलतडे । तो उयरं पवियारिय छुरियाए विणिग्गओ कुमरो || ५६१ ॥ गिरिनिज्झरणजलेणं सुसाउणा सीयलेण धोयतणू ।। महुरफलकयाहारो पीयजलो सो ठिओ सत्थो ॥ ५६२ ॥ करिकीलावण-जलतरण-मच्छयवियारणस्समावगमं । काऊण खणं एक्कं अवलोयइ गरूयगिरिरायं ॥ ५६३ ॥ सव्वत्तो च्चिय जो पज्जरंत-निज्झरण-नीरधाराहिं । विकिरइ सहस्सकरवासभवं सेयवरिसं वं ॥ ५६४ ॥ जत्थऽन्भंलिहतरुदलपरंपरं सरपविट्ठससिकिरणा । लुंबिज्जति भमरेहिं महिमया कुसुमपयरनमा ॥ ५६५ ॥ हेलुल्लसंतजलकलणजोगओ अवसरंतसोयणओ । कुणइ य जो कीलं सलिलमज्जणुं मयणेहिं सया ॥ ५६६ ॥ सव्वत्तो कल्लोलाहणणुट्ठियफेणपंडुरनियंबो । रेहइ जो मिउनिम्मलयजद्दरपरिहाणसहिओ व्व ॥ ५६७ ॥ दुमसन्नाहा वरिउ घणमणिकिरणुल्लसंतवणुहकरो । जलदुग्गग्गओ मेरू व रक्खए अप्पमपमत्तो ॥ ५६८ ॥
Jain Education International
For Private & Personal Use Only
www.jainelibrary.org
