________________
७१८
खेत्ताणं वत्थूण य गहियाभिग्गहपमाणइक्कमणं । तो नियडखेत्त - घरजोयणेण सड्ढेहिं कायव्वं ॥ ९२२८ ॥ नियमावहिकालं जानंतस्स सुसावएण दायव्वं । अहियहिरन्नसुवन्नयपमुहं अंगीकयवएण ।। ९२२९ ॥ नियमं ते गिन्हस्सं धणधन्नाई निजंपिउं गिहिणा । मोत्तव्वाइं न बंधेय कयाहिनाणेण परगेहो ॥ ९२३० || ता नियपरिग्गहे कुणसु दासवसहाइवयसमत्तीए ।
गिहिस्सं ति न कारवइ दुपय- चउपय- अइक्कमणं ।। ९२३१ ॥ अन्नस्स न दायव्वं गिण्हेयव्वं मए वयं ते ते । कुवियं ति न भावेणं कायव्वं वयअइक्कमणं ॥ ९२३२ ॥ एए पंच अइयारा एयव्वयपालणुज्जमपरेहिं । सम्मं वियाणियव्वा नाऊण परिच्चएयव्वा ।। ९२३३ || नो होइ वाउलत्तं उप्पज्जइ न बहुपावपब्भारो । संजायइ संतोसो नराण इच्छानिरोहेण ॥ ९२३४ ॥
एवं पंचाणुव्वयमूलगुणग्गहणजायसुहभावो । गिण्हइ सिक्खावयं सत्तगं गिही उत्तरगुणत्थी ॥ ९२३५ ॥
सिरिअणंतजिणचरियं
पंचममणुव्वयमिणं भणियं इन्हि गुणव्वए तुज्झ । कहिमो तेसिं पढमं दिसिव्वयं सुणसु इक्कमणो ॥ ९२३६ ॥
उड्ढाहो तिरियदिसासु गमणपरिमाणकरणभेएहिं । तिविहं दिसिव्वयमिणं जह होइ तहा निसामेसु ॥ ९२३७ ॥
परचक्कभया अह कोऊआइणा सेलमारुहंतेण । सद्देणुड्ढदिसाए जोयणसंखा विहेयव्वा ॥ ९२३८ ॥
न विवरसरिकूवाइप्पवेससंखाइरित्तगमणाई । कायव्वाइं अहोदिसिगुणवयड्ढेण सड्ढेण ॥ ९२३९ ||
पुव्वाइदिसासु कयं गमणे जं जोयणाण परिमाणं । तमइक्कमइ न सड्ढो तिरियदिसि गुणव्वएक्करई ।। ९२४० ॥
Jain Education International
For Private & Personal Use Only
www.jainelibrary.org
