________________
६८१
भुवणपमोयनिवकहा सालिप्पिएण कईया वि पेसिओ सो बहूए आणयणे । चलिओ दंसणपुरनयरमग्गमणुसरियसन्नद्धो ॥ ८७४८ ॥ पत्तो अडईए बहुमयसत्ताए वि अमयसत्ताए । जीए सचित्तकाया अमाणसंगावि तिरियोहा ॥ ८७४९ ॥ तीए सो नियइ वडाइवियडविडवीहिं संकडिल्लाए । खरतरणिनिहियनयणं आयावंतं मुणिं एगं ॥ ८७५० ॥ दिट्ठो य तेण उप्पाडियासिरोद्दो भडो तमभिहणिउं । जंतो भित्तीए इव खलिओ मुणिउग्गहमहीए ॥ ८७५१ ॥ उग्गहमइक्कमेउं अतरंतो चउद्दिसिं परिब्भमिरो ।। दितो व्व भत्तिजुत्तो पयाहिणाओ सुसाहुस्स ॥ ८७५२ ॥ रे मुंड तुंडभंग काउं तं निच्छएण मारिस्सं । ईय जंपिरो मुणिं पणमिउं व पडिओ अहो वयणो ॥ ८७५३ ॥ पडियं झड त्ति खग्गं मुक्कं व करेण दूरतरयम्मि । मुणिमारणअज्झवसायजायगुरुपावभीएण ॥ ८७५४ ।। पच्छाहुत्तं वलिउं बाहुजुयं साहुवहनिमित्तं च । गंतुमणीहंता इव पत्ता पाया सिरे तस्स ॥ ८७५५ ॥ जाओ गीवाभंगो रुहिरं नीहरइ तस्स वयणाओ । अहवा जं चिंतिज्जइ परस्स तं अत्तणो एउ ॥ ८७५६ ॥ उद्धट्ठियम्मि खग्गे उच्छलिउं सो तयग्गमारूढो । परिभमइ गुरुरएणं वंसारूढो नडनरो व्व ॥ ८७५७ ॥ एत्थंतरे अणब्भाविज्जु व्व नहाओ झ त्ति अवइन्ना । एक्का अमरी पिंजरियदिसिमुहा देहदित्तीए ॥ ८७५८ ॥ कुंडलकिरीडकेऊरकडयहारोहसोहधरदेहा । तिपयाहिणिउं नमिउं च सा ठिया साहुणो पुरओ ॥ ८७५९ ॥ दह्रण तमच्छरियं रणसूरो मुणिसमीवमल्लीणो । । पणमिय कयंजलीउडो उवविट्ठो समुचियट्ठाणे ॥ ८७६० ॥
Jain Education International
For Private & Personal Use Only
www.jainelibrary.org
