________________
गिहिधम्मे चंदसेणकहा
सव्वम्मि वि नयरम्मिं निरूसवे पिहियविवणिविंदम्मि | अपमज्जियंगणगिहे उव्वासिय निव्विसेसम्म ॥ ४९२ ॥ सुरुग्गमाओ जायम्मि जाममेत्तम्मि वासरे सहसा । गयणयले उम्मिड्ढो मणिकणयविमाणसंघट्टो || ४९३ ॥
अनिलचलद्धयझणझणिरकिंकिणीखलहलंतघरघरओ । घणकंचणघंटागणटंकाराऊरियदियंतो ॥ ४९४ ॥ अन्नोन्नविमाणमिलंतकिरणउल्लसियइंदधणुनियरो |
गय-तुरय- रहवरव्वूहसंकुलो झत्ति संपत्तो ॥ ४९५ ॥ ( कुलयं ) तम्मज्झाओ विप्फुरियमणिमयाभरणकिरणपसरेण । तरणी विव तेएणं अलंकरंतो नहुच्छंगं ॥ ४९६ ॥
सिंगारियंगनहयरनरिंदसंदोहविहियपरिवेढो ।
वज्जालंकरियकरो सुरपरियरिओ सुरिंदो व्व ॥ ४९७ ॥
मुत्तावचूलविलसिरछत्तच्छाइयसहस्सकरकिरणो । खेयरतरुणीकरचलिरचमरचयवीइयसरीरो ॥
४९८ ॥
चारणचक्कुचारियचारुगुणत्थुइपवड्ढियाणंदो ।
खेयरभुयलग्गो चंदसेणकुमरो समणुपत्तो ॥ ४९९ ॥ (कुलयं) निस्सिंगारं अच्चंतदुब्बलं पेच्छए नियं जणयं । कसिणचउद्दसिचंदं व गलियतेयं कलासेसं ॥ ५०० ॥ तो भूवि लुलियगत्तो चलिओ पिउपायपणमणनिमित्तं । उक्खित्तो य नरिंदा सेण झड त्ति सचिवेण ॥ ५०९ ॥ मुक्को य रायपायंतियम्मि विणएण नमइ पिउपाए । उक्खिविय निवइणा वि हु नियपुत्तो गाढमुवगूढो || ५०२ ॥ जणणीपणओ पिउवामपासभद्दासणे समुवविट्ठो ।
पुट्ठो पिउणा तं वच्छ ! आगओ एत्थ कुसलेण ? || ५०३ ॥ पुण पणइपुव्वयं पाणिकमलजुयकोसविलसिरसिरग्गो । विन्नवइ ताय ! मह तुह पसायसुहियस्स सइ कुसलं ॥ ५०४ ॥
Jain Education International
For Private & Personal Use Only
४१
www.jainelibrary.org
