________________
भुवनपईवनिवकहा
गहणासेवणसिक्खाकहणंते नहयरेसरो नमिठं ।
पुच्छइ किं वेरग्गं जमिमो मुणिनाह ! पव्वईओ ? ॥ ८४१२ ॥ आह पहू आयन्नसु खयराहिव ! अत्थि एत्थ नयरम्मि । असमप्पयावसारो पयावसारो त्ति नरनाहो || ८४१३ || अवरं च एत्थ निवसंति दुन्नि दुन्नयपराओ महिलाओ । एक्काए पवंचमई नामं बीयाए पुण कुमई ॥ ८४१४ ॥ भज्जावईण विहडिय पिम्माण कुणंति पेम्मसंधाणं । अच्चतसुघडियाण वि तं विहडावंति अन्नेसिं ॥ ८४१५ ॥ उच्चाडण - विद्देसण - थंभण- वसियरण - मारणाईसु । पावकिरियासु सययं वट्टंति पमोयपुव्वाओ ॥ ८४१६ ॥ कईया वि दो वि दुन्नयजायत्थारूढगरुयगव्वाओ । रिउसेणा उवसज्जियसराओ विवणीए मिलियाओ ।। ८४१७ ॥ अन्नोन्ननिन्हुवुप्पन्नमंतवसविहियगुरुविवायाणं ।
ताण सयासे मिलिओ बहुओ लोगो कुऊहलओ || ८४१८ ॥ मह फाडिअं न सक्को विसंधिउं तरइ य कुमई भणिए । इयराह तहा सीवेमि जह न से होइ संधी वि ॥ ८४१९ ॥ इय विवयंतीओ जणेण ताओ नीयाओ मंतिसन्निज्झे । विन्नाय वइयरेणं तेण वि नरवइसमीवम्मि ॥ ८४२० ॥ नाऊण तप्पइन्नं राया विम्हियमणो पयंपेइ । कुणह इममिक्कवारं एयत्थे तुम्हमभओ ति ॥ ८४२१ ॥ कुमई जंपर दिणपंचगस्स मज्झम्मि फाडेइस्सामि । सीवीस्सामि तमियराह पहु ! अहोरत्तमज्झे वि ॥ ८४२२ ॥ इय विरईयप्पइन्नाओ ताओ नमिठं नियं दुयंगे वि । कयजण अच्छरियाओ पत्ताओ नियनियगिहेसु ॥ ८४२३ ॥ कुमईए चिंतियं एत्थ अत्थि सुपसत्थरित्थवित्थारो । नामेण अत्थसारो गरिट्ठसेट्ठी सरलदिट्ठी ॥ ८४२४ ॥
Jain Education International
For Private & Personal Use Only
६५५
www.jainelibrary.org
