________________
६५६
सिरिअणंतजिणचरियं
नायपरो बहुलाहो वि कित्तिसारो त्ति अस्थि तस्स सुओ । उज्जलमाणसमुत्ती अपत्तसंतावलेसो वि ॥ ८४२५ ॥ नवजोव्वणुल्लणाए अभग्गसोहग्गसंगयंगीए । कंतिमई पियाए सह विलसइ सो सया सुहिओ ॥ ८४२६ ॥ नवरं कंतिमईए सरूवसिंगारगरुयगव्वाए । आलवियाए वि अहं ननया संभासियावियनो ॥ ८४२७ ॥ ता तप्पइणो कीएवि कुरंगनयणी सह विहियघडणं । साहेमि निवस्स जहा तीए महंतं दुहं होइ ॥ ८४२८ ॥ तप्पइणो पुण अयसो संतोसो मज्झ निवइणो दविणं । “अहव कयावन्नाणं अणत्थउप्पायणस्सं वा ॥ ८४२९ ॥ ता एत्थ धणिधणेसरतणया तरुणी धणावली नामा । असई सई पि ता तम्घडणं सह तेण काहामि ॥ ८४३० ॥ इय चिंतिय तव्वेलं पत्ता सा कित्तिसारसन्नेज्झे । काऊण तमेगंते जंपइ मुहुरक्ख गराए ॥ ८४३१ ॥ सुहय ! तुमं पड़ जंपेमि किं पि मा कुणसु पत्थणं विहलं । सो जंपइ ता संपइ साहसु सा भणइ निसुणेसु ॥ ८४३२ ॥ इह अत्थि धणेसरसेट्ठिणो सुया कमलकोमलोरु-जुया । नियरूवनिज्जयरई नामेण धणावली बाला ॥ ८४३३ ।। नियभवणमत्तवारणगयाए तीए कयाइ सच्चविओ ।
आगच्छंतो तं रम्मरूवजियरइवइविलाओ ॥ ८४३४ ॥ सिंगारसस्स समवयवयस्स संदोहसोहियओवंतो । उत्तमउत्तंगतुरंगवग्गणक्खणियमणवित्ती ॥ ८४३५ ॥ अनिलंदोलणविलसिरसिहिपिच्छच्छत्तजायछायसुहो । हेलाए कीलयंतो टंपा-झंपाहिं हयरयणं ॥ ८४३६ ॥ चलसरलधवललीलासलोयणजुयलबहलजोन्हाए । परमामयवुटिंट्ठ पिव विकिरंतो समणहरं तुरए ॥ ८४३७ ॥
Jain Education International
For Private & Personal Use Only
www.jainelibrary.org
