________________
६५४
सिरिअणंतजिणचरियं
कइया वि हु रयणविमाणसेणिसिंगारियंबरो चलिओ । नंदीसरम्मि सिद्धप्पडिमा नमणा य खयरिंदो ॥ ८३९९ ॥ दाहिणदिसिगयणेणं गच्छंतो नियइ सम्मुहमहीए । मणिमंदिरपुरबाहिं निग्गच्छंतं जणसमूहं ॥ ८४०० ॥ तस्संतोऽनिलतरलद्धयालिझणहणिरकिंकिणिगणाए । सिबियाए समारूढं अवलोयइ तरुणनररयणं ॥ ८४०१ ।। दितं किविण-वणीमग-जायग-हीणंध-दुत्थलोयाण । वंछा विच्छकरं दाणे मणिकणयवस्थाई ॥ ८४०२ ॥ अवलोयंतं पुरओ लउडारसरासए सपेच्छणए । उववूहिज्जंतं "जय जीव चिरं" इय जणासीहिं ॥ ८४०३ ॥ दाहिणपासमहसणनिविट्ठजणएण संसुवयणेण । समलंकियमप्पंतेण दाणकज्जम्मि कणयाई ॥ ८४०४ ॥ वामट्ठाणपरिट्ठियगरिट्ठविट्ठरनिविट्ठजणणीए । कयलवणुत्तारणयं सोयंसुयतंबिरच्छीए ॥ ८४०५ ॥ वज्जंतढक्कढुक्काभेरी-भंकारभरियभुवणयलं । रम्मारामुज्जाणम्मि गुरुयरिद्धीए संपत्तं ॥ ८४०६ ॥ (कुलय) को एस किं करिस्सइ ? इह इय बुद्धीए नहयरवई वि । तत्थुत्तिन्नो कंचणकमलगयं केवलिं नियइ ॥ ८४०७ ॥ पालियसमग्गसत्तं विरइयछज्जीवकायरक्खं पि । सोमं पि मित्तरूवं सुरयपुरं बंभयारिं पि ॥ ८४०८ ॥ दठूण केवलिं नहयरेसरो भत्तिनिन्भरो नमइ । "धम्मत्थं पवित्तीओ जइ वा धम्मीण होंति सया ॥ ८४०९ ॥ सिबियाए समुत्तिन्नो पणयपहू माइ-पिइअणुन्नाओ । परिहरियालंकारो संवेगुल्लसियरोमंचो ॥ ८४१० ॥ . सो विज्जाहरवइणो अवलोयंतस्स भत्तिभरियमणो । समयविहिणा मुणिंदेण दिक्खिओ विहिय सिरलोयं ॥ ८४११ ॥
Jain Education International
For Private & Personal Use Only
www.jainelibrary.org
