________________
६५२
सिरिअणंतजिणचरियं
मुक्कासिधेणुघायं वंचइ करणक्कमेण कुमरो सो । रोसेण कुमरछुरियापहारलक्खं हरइ सो वि ॥ ८३७३ ॥ अवरोप्परवामकरप्पहारपडियासिधेणुणो दो वि । जुझंति निजुज्झेणं केसग्गहबाहुबंधेहिं ॥ ८३७४ ॥ निद्दयकेसग्गहबाहुबंधकरघायजज्जरिज्जंता । निवडंति दड त्ति झड त्ति उट्ठिउं पुणरवि भिडंति ॥ ८३७५ ॥ निठुरकुमारपायप्पहारवच्छयलताडिओ सुहडो । पडिओ धस त्ति घुम्मंतनेत्तओ भूमिवट्ठम्मि ॥ ८३७६ ॥ तो तब्भुयजुओवरिं दाउं नियपयदुगं धरियकेसो । घेत्तुं धराए छुरियं जा तस्स सिरं लुणइ कुमरो ॥ ८३७७ ॥ ता तेण नमो अरिहंताणं इच्चाई पंच परमेट्ठी । सरिया असारसंसारसायरुत्तारणतरि व्व ॥ ८३७८ ॥ तं सोउं हा हा हा ! साहिम्मियमारणे महापावं । काऊण नूण नरए उप्पज्जतो दुहोहे हं ॥ ८३७९ ॥ इय जंपिरेण खामिय मुक्को सहस त्ति निवसुएण भडो । “अइकुवियाण वि करुणा जायइ जइ वा कुलीणाण ॥ ८३८० ॥ सो चिंतइ नररयणं एसो जमणेण मारणपरो वि । मुक्को वेरी वि अहं गुरूण गणणा न रिउकीडे ॥ ८३८१ ॥ होइ न सिरम्मि सिंगं अहमाणं उत्तमाण य नराण । किं तु अकज्जे कज्जे य ते मुणिज्जंति वटुंता ॥ ८३८२ ॥ एएण जीवियव्वं दाउं दिन्नं समग्गमवि मग्गं । जायइ रज्जाईणं जं जीवंताणमुवओगो || ८३८३ ॥ भुवणम्मि वि उवयारो न पाणदाणाओ समहिओ अस्थि । पच्चुवयरिउमसत्तेहिं निन्हविज्जइ न सो जेण ॥ ८३८४ ॥ थेवं पि हु उवयारं मन्नइ पुरिसो गिरिंदगरुययरं । निन्हवइ खलप्पयइं पुरिसो उवयारलक्खं पि ॥ ८३८५ ॥
इय जंपिरेण वि का
जमणेषणा न
Jain Education International
For Private & Personal Use Only
www.jainelibrary.org
