________________
६४४
सिरिअणंतजिणचरियं पवंगि व्व चलसहावा महिला लूय व्व जलियसंतावा । उप्पाइयवसणसया कुविंदसाल व्व पडिहाइ ॥ ८२७० ॥ सुंदरवन्ना आमोयमणहरा सुहरसाय भुज्जंती ।।
महिला किंपागफलावलि व्व उप्पायइ अणत्थं ॥ ८२७१ ।। 'सूरो वि कयत्थिज्जइ खंडिज्जइ सव्वया वि राया वि । राहुसिरीए इव महिलियाए कलुसस्सहावाए ॥ ८२७२ ॥ अंतोहुत्तम्मीलियपकामरसपूरिया परिब्भमिरी । गयणं व कुलं मइलइ महिला नव मेहमाल व्व ॥ ८२७३ ॥ “दुईता कुडिलगई परमपयविवज्जिया सुइविहूणा । कस्स न भयमुप्पायइ नियंबिणी सप्पिणि व्व सया ॥ ८२७४ ॥ कज्जम्मि जाण कीरइ धणज्जणं चोरियाई काऊण । ताणेरिसं सरूवं ता “पज्जतं ममित्थीहि ॥ ८२७५ ॥ असरिसवेरग्गविभावणावसुल्लसियगुरुतरविवेए । अस्सावहारपुरिसे एवं परिभावयतम्मि ॥ ८२७६ ॥ पविसिय गिहम्मि गहिऊण हलकुसिं पइगिहे खणइ खत्तं । “किमकज्जं वा वज्जियमज्जायाणं महिलियाण ॥ ८२७७ ॥ गंतुं मज्जे धाहावए जहा धाह धाह धाह ति । पविसिय चोरेणं ठक्कुरो हओ नीययमाभरणं ॥ ८२७८ ॥ एतं सोऊण सहसा ससंभमासाउहा सपाइक्का । ठक्कुरपुत्ता परिवेढयंति गिहमुग्गहक्करवा ॥ ८२७९ ॥ तुरयकुडप्पमुहाई ठाणाई नियंति के वि दीवकरा । अन्ने उ य निसंतिय चोरपयं एइयनिउणनरा ॥ ८२८० ॥ दळूण गिहावेढं हयावहारी वि चिंतए एवं । मह संकडमावडियं छुट्टिस्सं ता कहं इण्हि ? ॥ ८२८१ ॥ न तरेमि वि णिग्गंतुं भडपडलावेढियाओ भवणाओ । दुक्कम्मभरावरिओ नरयठाणाओ जीवो व्व ॥ ८२८२ ॥
Jain Education International
For Private & Personal Use Only
www.jainelibrary.org
